Ahwo Ọkpokpọ Ugboma Esuo Na
EVAỌ Saturday, October 2, 1999, a rehọ owhowhovia ogbunu jọ kuọ Ẹgwae Ẹgbukpe ọrọ Watch Tower Bible and Tract Society of Pennsylvania na họ. Oma o were ahwo 10,594 nọ e jọ etẹe hayo nọ a jẹ kezọ evaọ ifonu nọ a yo nnọ a fi imane ekpokpọ ba Ugboma Esuo Isẹri Jihova na no. Ahwo ọkpokpọ na, nọ aikpobi a rrọ Ileleikristi nọ a rọ ẹzi wholo na họ Samuel F. Herd; M. Stephen Lett; Guy H. Pierce; and David H. Splane.
• Samuel Herd o muọ iruo ọkobaro họ evaọ 1958, yọ no 1965 rite 1997, ọ jọ iruo ọsẹro okogho gbe ọrọ ubrotọ. Kẹsena, tei te aye riẹ, Gloria, a tẹ jọ ahwo uviuwou Ebẹtẹle ọ United States, oria nọ Brọda Herd ọ be jọ ruiruo evaọ Ẹko ọ Iruẹru Ukoko na. O je fiobọhọ evaọ Ogbẹgwae Iruẹru Ukoko na re.
• Stephen Lett o muọ ọkobaro họ evaọ December 1966, yọ no 1967 rite 1971, ọ jọ Ebẹtẹle evaọ United States. Evaọ October 1971, ọ tẹ rọo Susan je kpohọ iruo ọkobaro obọdẹ. No 1979 rite 1998, o ruiruo wọhọ ọsẹro okogho. Anwọ April 1998 ze, tei te Susan a rọ uviuwou Ebẹtẹle ọ United States. Ọ jọ etẹe ruiruo evaọ Ẹko ọ Iruẹru Ukoko na yọ o je fiobọhọ evaọ Ogbẹgwae Ewuhrẹ na.
• Guy Pierce o yẹ emọ kẹsena avọ aye riẹ a te muọ iruo ọkobaro họ evaọ April 1982. O ruiruo ọsẹro okogho no 1986 rite 1997, tei te aye riẹ, Penny, a tẹ ruọ uviuwou Ebẹtẹle ọ United States. Brọda Pierce o je fiobọhọ evaọ Ogbẹgwae Ẹruọsa Iruiruo na.
• David Splane o muọ iruo ọkobaro họ evaọ September 1963. O nwrotọ no eklase avọ 42 ọrọ Giliad ze, o te ruiruo wọhọ imishọnare evaọ Senegal, Africa, kẹsena ọ tẹ raha ikpe 19 evaọ iruo ọsẹro okogho evaọ Canada. Tei te aye riẹ, Linda, a rọ Ebẹtẹle ọ United States anwọ 1990, oria nọ Brọda Splane o je ruiruo evaọ Ẹko ọ Iruẹru Ukoko gbe ọrọ Ekere na. Anwọ 1998 ze, o bi fiobọhọ evaọ Ogbẹgwae Ekere na.
Kuomagbe imane ekpokpọ na, ahwo nọ a rrọ Ugboma Esuo na obọnana họ C. W. Barber, J. E. Barr, M. G. Henschel, G. Lösch, T. Jaracz, K. F. Klein, A. D. Schroeder, L. A. Swingle, gbe D. Sydlik. Ahwo kpobi a be lẹ inọ Jihova ọ gbẹ ghale jẹ bọ Ugboma Esuo na nọ a ru bu no enẹna ga, nọ o be ruabahọ ẹruorote iruẹru ahwo Ọghẹnẹ evaọ akpọ kpobi je bi ruiruo kẹ ewoma abọ-ẹzi rai na.