Azọhọ Unevaze kẹ Iruo Akpọ Soso Ukoko-Ulogbo U bi Fiobọhọ kẹ Ẹroharo
Wọhọ epanọ a ruẹaro riẹ eva Aizaya 54:2, 3, egagọ fuafo Jihova e gbẹ be kẹre haro nya otọakpọ na wariẹ. Onana u kugbe ekuotọ sa-sa evaọ unuakpọ Africa gbe ikoliko nọ e kẹle riẹ. Evaọ etoke ikpe ikpe nọ i kpemu na, a si awhaha no iruo Uvie na no evaọ eria wọhọ Angola, Cameroon, Equatorial Guinea, Etiopia, Madagascar, Malawi, Mozambique, gbe Togo. Evaọ enana gbe ekuotọ efa eria nọ idhu na e jẹ fano kẹ evuo, imishọnare Giliad buobu, enọ i nwotọ no Isukulu Ewuhrẹ Odibọgba, ahwo uviuwou Ebẹtẹle, gbe amọfa a be ja rai ruiruo.—Mat. 9:37, 38.
O rọ vevẹ, evihọ ahwo egagọ uzẹme evaọ ukoko Jihova o gwọlọ ebabọ Egwa Uvie ekpokpọ udhusoi buobu. U te je wuzou re a ma-oma kẹ Egwa Okokohọ gbe ẹkẹre hayo ebabọ uwou-ogha ekpokpọ. Igho nọ a re ro ru ebabọ enana gbe ẹwha haro iruo Uvie na orọnikọ evaọ Africa ọvo ho, rekọ evaọ abọ ọfa akpọ na re i duobọ họ azọhọ iruo akpọ-soso Ukoko-Ulogbo na gaga no.
Ifoto gbe isi nọ e rọ ewẹ-ebe ivẹ ọ uko obeva nana e rẹ sae k’owhẹ otoriẹ jọ kpahe oware nọ Ukoko-Ulogbo o be daoma ru anwẹdẹ evaọ ẹkuotọ Africa na. Eware nọ a dhesẹ na yọ ebabọ jọ nọ a muhọ no gbe ebabọ nọ i ti muhọ kẹle.
Ẹkwoma ọkiẹriwo iruo usiuwoma ota evaọ 1996 Yearbook na, whọ rẹ sae wo emamọ eriwo oware nọ iwhowho-uvie nọ e rọ ekuotọ enana a bi ru evaọ odibọgba na. Ẹvi igbunu e rehọ oma via no evaọ ekuotọ buobu, yọ irẹro orro u dhesẹ oma via evaọ unu ahwo nọ i kpohọ ehaa Ekareghẹhọ. Okenọ ma te woi họ iroro oware nọ a bi rugba wọhọ abọ iruo usiuwoma ota Uvie gbe aru-ilele evaọ Africa obonẹ gbe unuakpọ efa, uvẹ nọ ma rẹ rọ rehọ ekwakwa eware tha egagọ uzẹme uke o rẹ ze omai iroro.—Luk 16:9; 1 Tim. 6:18.
[Picture on page 3]
Ọgwa Uvie evaọ KwaZulu-Natal, South Africa, edẹ 9 a rọ bọe re
[Picture on page 3]
Ọgwa Uvie evaọ Nigeria nọ a bọ nọ o rẹ rehọ igho buobu hu
[Picture on page 3]
Ọgwa Okokohọ evaọ Mozambique avọ egbara ẹkeria nọ i bu te 1,500, a te bọe re evaọ urere ọ 1996
[Picture on page 3]
Uwou-ogha Mozambique, a te kua ruẹe evaọ urere ọ 1996
[Picture on page 3]
Uwou-ogha Sierra Leone, a ma-oma nọ a te bọe re evaọ urere ukpe nana
[Picture on page 4]
Ọgwa Okokohọ nọ o kpefihọ evaọ Mauritius nọ a bọ re no, avọ uwou-ogha, a te bọe re evaọ emuhọ 1997
[Picture on page 4]
Uwou-ogha Zimbabwe nọ a gbẹ be bọ
[Picture on page 4]
Ọgwa Okokohọ nọ o kpefihọ gbe uwou-ogha nọ a gbẹ be bọ evaọ Senegal
[Picture on page 4]
Uwou-ogha kpokpọ Kenya, evaọ ẹwho nọ o wo uzou riẹ, Nairobi
[Picture on page 4]
Uwou-ogha ọ Madagascar, a te bọe re kẹle
[Picture on page 4]
Uwou-ogha nọ a ma-oma nọ a te bọ kẹ Malawi