“Kọ Ẹdẹjọ Ọ te Jọ nọ Ahwo Kpobi A ti ro You Ohwohwo?”
1 A bi ti whowho ovuẹ uwowoma jọ, onọ o rẹ kẹ ọwhọ, jẹ sasa udu evaọ evẹrẹ 169 nya akpọ na wariẹ họ. Eme họ ovuẹ onana? Kọ ẹvẹ a te rọ vuẹe?
2 Ovuẹ na o ta kpahe uyoyou ọrivẹ. A rẹ rue riẹ evaọ Usi Uvie ọrọ Avọ 35, onọ o ta nọ “Kọ Ẹdẹjọ Ọ te Jọ nọ Ahwo Kpobi A ti ro You Ohwohwo?” Usi Uvie onana o kiẹ kpẹkpẹe oghẹrẹ nọ eware e rọ enẹna riwi evaọ akpọ na soso, bi dhesẹ nnọ ababọ uyoyou evaọ udevie ahwo họ ugogo oware nọ o be wha idhọvẹ gbe edada buobu ze. U dhesẹ oware nọ o soriẹ ze, maero evaọ edẹ mai na, nọ uyoyou ọrivẹ u je kiekpo no, gbe oware nọ onana u dhesẹ kẹ obaro.
3 Eva okiovo na, Usi Uvie ọrọ Avọ 35 na u dhesẹ nnọ uyoyou uzẹme ọrivẹ o rọ udevie ima ahwo buobu jọ nọ e be rria evaọ akpọ inẹnẹ na. U dhesẹ ahwo nọ a bi wo abọ evaọ eziheze ọ Egagọ-Ileleikristi ọsosuọ—egagọ ikpe-udhusoi ọsosuọ, onọ uyoyou ọrivẹ nọ Jesu Kristi o wuhrẹ u kpoka họ.—Luk 10:25-37.
4 Usi Uvie ọrọ Avọ 35 na u kuhọ avọ oruvẹ oghẹrẹ nọ eyero ohwo-akpọ na soso o ti ro dhesẹ uyoyou ọrivẹ evaọ otọ esuo Uvie Ọghẹnẹ ẹkwoma Kristi. A tudu họ ahwo nọ a bi se ovuẹ onana awọ re a wo ibroshọ na Eme Ọghẹnẹ Ọ Gwọlọ Mi Omai? re a wuhrẹ epanọ a rẹ rọ jọ abọ ọruẹrẹfihotọ oyoyou ọnana nọ a dhesẹ vevẹ evaọ Ẹme Ọghẹnẹ na.
5 Amono A te Vuẹ Ovuẹ Onana? Isẹri Jihova nya akpọ na wariẹ họ a te ghale ovuẹ uyoyou ọrivẹ onana kugbe egbẹrioma, erivẹ, gbe imoni rai evaọ emerae ọ October gbe November. A tudu họ enọ i te kpobi awọ re a wo abọ evaọ ẹghale ẹgbede ọ Usi Uvie Avọ 35 na.
6 Ẹjiroro nọ ọ mae rro evaọ ewhowho ọnana họ re ma kpare isiuru ahwo kẹ ẹjẹrehọ uwuhrẹ Ebaibol evaọ ibroshọ Ọghẹnẹ Ọ gwọlọ na hayo obe Eriariẹ na. Ofariẹ, omodawọ nọ u no udu omomọvo idibo Jihova kpobi ze o te wha isẹri-ise ze kẹ Ọghẹnẹ oyoyou na, Jihova, gbe Ọmọ riẹ, Jesu Kristi.