Ẹkpẹti Onọ

◼ Ẹvẹ ẹgọ gbe osẹ mai ọ rẹ jọ evaọ okenọ ma te bi weze kpohọ iwou Ebẹtẹle gbe iwou-ogha?

Nọ ma te bi weze kpohọ Ebẹtẹle, makọ kpohọ ughe-uriwo hayo weze bru ahwo uviuwou Ebẹtẹle na jọ, “ẹgọ, osẹ gbe uruemu mai o rẹ jọ oghẹrẹ nọ a gwọlọ mi omai nọ ma te bi kpohọ iwuhrẹ egagọ evaọ Ọgwa Uvie na.” (om-E 131) Ghele na, ma muẹrohọ no inọ inievo jọ e be g’ẹgọ whọhọ gaga evaọ okenọ a te bi weze kpohọ iwou-ogha. Oyena u kiehọ họ evaọ okenọ a te bi weze kpohọ eria enana. Ẹgọ mai ọ rẹ jọ ọrọ oriruo, ọnọ ọ rẹ jọ kpatiẹ jẹ jọ owowa, dhesẹ ẹkpatiẹ gbe ọghọ nọ o fo kẹ idibo Jihova Ọghẹnẹ.—1 Tim. 2:9, 10.

Onana o mae rrọ ere evaọ okenọ ma te bi weze kpohọ iwou Ebẹtẹle gbe iwou-ogha keme ahwo nọ a rrọ Isẹri hi a bi mu ẹro họ enọ i weze nya na. Iriughe itieye na e rẹ sae jọ udu rai gba iroro mu kpahe ahwo Ọghẹnẹ gbe ukoko riẹ ro no oware nọ a ruẹ ze. U re woma re ma ta ẹme kugbe emọ-uwuhrẹ Ebaibol mai gbe amọfa nọ a bi kpohọ iweze na re ma kareghẹhọ ae kpahe epanọ u wo uzou te re a mu ẹro họ ẹgọ gbe osẹ rai. O te were uviuwou Ebẹtẹle na re wha ru onana.

Wọhọ egbodibo Ileleikristi, ma rẹ yọrọ oma hrọ re osẹ mai o siọ ezoruẹ ba ẹwha ze. (2 Kọr. 6:3, 4) Ukpoye, ẹkwoma emamọ ẹgọ mai, joma “rehọ eru kẹ uwuhrẹ Ọghẹnẹ Osiwi mai” ẹsikpobi.—Taitọs 2:10.