Erere O Wo Vọvọ no Okokohọ Ubrotọ “Iwhowho Uvie Ajọwha” na Ze
1 Ọruẹrẹfihotọ Nọ Ọ Rẹ Kẹ Ẹgba: Ẹvẹ ọruẹrẹfihotọ nọ ma reawere riẹ evaọ okokohọ ubrotọ mai kẹle na ọ kẹ ọwhọ te! Ẹjiroro ọvo ma ro kokohọ, re ma thomakpahe viere evaọ ewhowho Uvie Ọghẹnẹ avọ ọwhọ. Kọ whọ kareghẹhọ oghẹrẹ nọ oruẹme ọsosuọ na ọ f’otọ ẹme na “re a whowho”? Whọ kareghẹhọ oware nọ ẹme na “Wha Dhẹ Ozọ Họ nọ Ma Riẹ Nọ Jihova Ọ Rrọ Kugbe Omai Na” ọ tudu họ omai awọ nnọ ma kiẹ kpahe? Kọ ikuigbe eware nọ e ghinẹ via vẹ whọ kiẹ kpahe no?
2 Ọzọhọkugbe-eriariẹ na “Edawọ Sa-Sa E Rẹ Dawo Ẹgba Ẹrọwọ Mai” ọ kẹ ugogo ẹjiroro esa nọ Jihova ọ rọ kẹ uvẹ kẹ ukpokpoma. Kọ whọ sai dhesẹ ai? Ikereakere vẹ seomaba-edhehọ Ileleikristi mai o no ze? Eme a tudu họ omai awọ nnọ ma ru re ma rọ ruẹrẹ oma kpahe kẹ ebẹbẹ nọ i re no edikihẹ ọ seomaba-edhehọ mai ze? Kọ ẹvẹ edawọ nọ ma re thihakọ rai avọ ẹrọwọ o rẹ rọ wha ajiri se Jihova?
3 Eria vẹ evaọ edrama na “Dikihẹ Ga Evaọ Oke Obẹbẹ” o mai bọ owhẹ ga? Ẹvẹ ma sae rọ jọ wọhọ Jerimaya?
4 Ovuẹ ogbotu na, “Uyero Akpọ Nana U Bi Nwene,” u dhesẹ inwene ilogbo vẹ nọ e rrọ obaro nọ i ti su kpohọ ẹdẹ idudu Ọghẹnẹ? Nọ whọ jẹ gaviezọ kẹ ẹme ekuhọ na, “Vọ avọ Iruo Iwoma Wọhọ Iwhowho Uvie Ajọwha,” ẹvẹ whọ ruẹ nọ ovuẹ na u ro w’obọ kpahe odibọgba ra?
5 Igogo-Eme nọ A re Fihọ Iruo: Wọhọ epanọ a ru rie vẹ evaọ ẹme na “Wha Hae Kẹ Uyere,” ẹvẹ ma sai ro dhesẹ uyere udidi mai kẹ Jihova? Evaọ ovuẹ ọsogba na, “Ọwhọ Ọ Wọ Iwhowho-Uvie Na,” ọwhọ ono a tuduhọ omai awọ nọ ma rọ aro kele? Didi oma-okiẹriwo a ta k’omai nọ ma ru?
6 Wọhọ epanọ a dhesẹ i rie vevẹ evaọ ọzọhọkugbe-eriariẹ ọ “Eruẹaruẹ Maeka E rẹ Bọ Omai Ga re Ma Nya Evaọ Odẹ Jihova” na, itee esa vẹ ma rẹ nya te hrọ re ma wo aruoriwo Jihova? Kọ a rẹ sai le ai t’obọ? (Mae. 6:8) Wọhọ epanọ ẹme na “Yọrọ Uruemu Ofuafo Ẹkwoma Ẹruọsa Udu Ra” ọ ta, idhere vẹ ma jẹ jọ fuafo hrọ? Abọ vẹ ẹme na “Yọrọ Oma kẹ Eviẹhọ” ọ jọ vẹvẹ omai unu re a siọ omai ba ẹviẹhọ hayo re ma siọ amọfa ba ẹviẹhọ?
7 Didi eme jọ nọ i w’iruo ro no ọzọhọkugbe-eriariẹ ọ “Iwhowho Uvie Nọ E be Rọ Orro kẹ Odibọgba Rai” na who muhọ efihọ iruo no evaọ odibọgba ra? Evaọ ẹme na “Ẹmeọta Kpahe Eware Abọ-Ẹzi O Rẹ Bọ Ohwo Ga,” a kiẹ Ahwo Filipai 4:8 riwi. Ẹvẹ ikere yena i re ro fi obọ họ k’omai kpọ ẹmeọta-kugbe mai riwi eware abọ-ẹzi, kọ okevẹ ma re ru ere?
8 Ẹme na “Fi Eva Kpobi họ Jihova Evaọ Etoke Uye” ọ ta kpahe epanọ ma sai ro thihakọ eware okpẹtu nọ e via, ebẹbẹ abọ ugho, ẹyao, ebẹbẹ uviuwou, gbe iruthọ ikẹse kẹse. Ẹvẹ ma sai ro dhesẹ nọ ma fi eva họ Jihova evaọ okenọ ma tẹ rẹriẹ aro dhe iyero enana?
9 Efe Abọ-Ẹzi Ọkpokpọ: Eva e were omai nọ ma ro yo kpahe obusino obe okpokpọ na Gọ Ọghẹnẹ Uzẹme Ọvo Na. Ẹvẹ owhowhovia nọ o dhesẹ epanọ a rẹ rehọ iẹe ruiruo na u kpomahọ owhẹ? Fikieme u ti ro fi obọ họ evaọ iruo aru-ilele mai na wọhọ obe ọ uwuhrẹ avivẹ?
10 U no oyena no, ma te yo kpahe obusino obe uwowoma na Si Kẹle Jihova. Didi ekwakwa obọdẹ jọ e rrọ eva riẹ? Amono a sai ti wo erere noi ze?
11 Okokohọ Ubrotọ “Iwhowho Uvie Ajọwha” na ọ k’omai uduotahawọ abọ-ẹzi nọ ma gwọlọ re ma sae rẹriẹ ovao dhe oke obẹbẹ nana. Re ma ruẹsi wo erere vọvọ no ọruẹrẹfihotọ owoma abọ-ẹzi nana ze, joma dawo ẹgba mai kpobi re ma kareghẹhọ eme nọ a ta, dhesẹ ovuhumuo kẹ oware nọ u t’omai obọ, je fi oware nọ ma wuhrẹ na họ iruo. (2 Pita 3:14) Ere oruo o te b’omai ga re ma yọrọ ẹgbakiete mai je dhesẹ oma mai wọhọ iwhowho Uvie ajọwha evaọ aruorokele Olori mai Jesu Kristi, kẹ oruaro Jihova.—Fil. 1:9-11.