Who Re Rri Ividio ọ No Blood—Medicine Meets the Challenge na Hrọ

Ẹvẹ whọ riẹ kpahe idhere sa-sa erọ usiwo-imu orọ ababọ-azẹ na te? Kọ who wo otoriẹ oghẹrẹ idhere usiwo-imu efa nọ a re ro nwene azẹ-osefihọ-oma na gbe epanọ i re ruiruo no? Rri ividio nana, re whọ rehọ enọ obotọ na kiẹ eriariẹ ra evaọ abọ nana riwi.—Muẹrohọ: Fikinọ ughe oma-obẹrọ ekpẹkpẹ jọ e rrọ ividio na, esẹgbini a re dhesẹ orimuo nọ a te bi rri ividio na kugbe emọ esese rai.

(1) Fiki ugogo ẹjiroro vẹ Isẹri Jihova e rẹ rọ siọ azẹ osefihọ oma, kọ diẹse a rẹ jọ duku ehri-uzi yena evaọ Ebaibol na? (2) Rọ kpahe ẹruọsa usiwo-imu, eme ma gwọlọ? (3) Ugogo udu vẹ ohwo nọ ọ be mọ o wo? (4) Fikieme o jẹ rrọ oware nọ u wo iroro je fo re a siọ azẹ osefihọ oma? (5) Nọ azẹ o te hwẹ kufiẹ gaga, didi eware ivẹ nọ e mae r’oja edọkita i re ru? (6) Enwoma ugboma vẹ e rẹ sai lele azẹ osefihọ oma? (7) Ekwakwa jọ vẹ edọkita i wo nọ i re fi obọ họ nọ azẹ o gbe hwẹ bu hrọ họ evaọ etoke oma-obẹrọ? (8) Eme whọ rẹ gwọlọ nọ a vuẹ owhẹ kpahe edhere usiwo-imu nọ u re nwene azẹ osefihọ oma? (9) Kọ a rẹ sai ru oma-obẹrọ ogaga ababọ azẹ osefihọ oma? (10) Eme edọkita buobu enẹna a rọwo nọ a re ru kẹ Isẹri Jihova, kọ eme o wọhọ nọ o te jọ ute usiwo-imu kẹ enọ e be mọ kpobi nọ oke o be nya h’aro na?

Ababọ avro u ti fi obọ họ re a rri ividio ọ No Blood na kugbe ọmọ-uwuhrẹ Ebaibol kpobi, erivẹ-orọo hayo imoni nọ e rrọ Isẹri hi, ibe-iruiruo, iticha, gbe ibe emọ-isukulu nọ e rẹ sae nọ enọ kpahe edikihẹ mai kpahe azẹ. Ẹrọwokugbe usiwo kpobi nọ a dhesẹ evaọ ividio na yọ ẹjiroro omobọ ohwo, onọ a rẹ rehọ eva oruọzewọ ru.—Rri “Enọ Ahwo nọ A s’Ebe” evaọ uvitha ọ Uwou-Eroro Na erọ June 15 gbe October 15, 2000 (erọ Oyibo).