Usiwo-Imu nọ O Mai Woma Kpaobọ—Oghẹrẹ Usiwo Vẹ Ye?

“Ohwo kpobi nọ a rehọ ona-obẹrọ orọ ababọ azẹ ro siwi, ọye a rehọ oghẹrẹ usiwo nọ o mai woma kpaobọ ro siwi.” Ere ọbo-imu jọ nọ a re se Michael Rose, ọ tae. Eghẹrẹ usiwo-imu nọ a re ro nwene azẹ osefihọ oma vẹ a sai se ‘usiwo ababọ azẹ’? U fo nọ whọ riẹ re whọ sae jiroro na avọ otoriẹ kpahe usiwo-imu gbe obẹrọ. Rri ividio na No Blood—Medicine Meets the Challenge. Who te rri rie no, rehọ enọ nọ e rrọ obotọ na rọ kiẹ otoriẹ ra riwi.—Muẹrohọ: Fikinọ ughe oma-obẹrọ ekpẹkpẹ jọ e rrọ ividio na, esẹgbini a rẹ rehọ areghẹ rri ividio na kugbe emaha na.

(1) Fiki ugogo ẹjiroro vẹ Isẹri Jihova a be rọ se azẹ osefihọ-oma? (2) Rọ kpahe usiwo-imu, eme Isẹri Jihova a gwọlọ? (3) Ugogo udu vẹ ohwo nọ ọ be mọ o wo? (4) Fikieme o jẹ rrọ oware nọ u wo iroro je dhesẹ osegboja ẹruorote oma re ohwo ọ salọ usiwo-imu nọ a re ro nwene azẹ osefihọ-oma? (5) Nọ azẹ o te bi hwẹ kufiẹ gaga, didi eware ivẹ nọ e mae r’oja edọkita i re ru? (6) Didi ehri-izi ene e rrọ ona usiwo nọ a re ro nwene azẹ osefihọ oma? (7) Ẹvẹ edọkita a sai ro (a) ru nọ azẹ o gbe hwẹ kufiẹ bu hrọ họ, (b) ru nọ egẹgẹ azẹ ọwawae o gbe vru bu hrọ họ, (c) ru azẹ ohwo vihọ, gbe (d) ru ohwo wariẹ wo azẹ nọ o no rie oma? (8) Dhesẹ oghẹrẹ usiwo-imu nọ a re se nọ (a) hemodilution gbe (b) cell salvage. (9) Eme u fo nọ a rẹ vuẹ owhẹ kpahe usiwo-imu nọ a re ro nwene azẹ osefihọ-oma? (10) Kọ a sai ru obẹrọ ogaga gbe onọ o gwọlọ ona ziezi ababọ azẹ osefihọ oma? (11) Omamọ oware vẹ jọ o be romavia evaọ udevie edọkita enẹna?

Oghẹrẹ usiwo jọ nọ a dhesẹ evaọ ividio na yọ enọ omomọvo ọ rẹ rehọ iroro riẹ nọ ọ rehọ Ebaibol wuhrẹ no rọ salọ, sọ ọ gwọlọ hayo ọ se. Kọ whọ jiroro kpahe oghẹrẹ usiwo-imu nọ a re ro nwene azẹ osefihoma nọ whẹ gbe emọ ra a rẹ sae rehọ no? U fo re whọ vuẹ imoni ra nọ e rrọ Isẹri Jihova ha kpahe iroro ra gbe oware nọ o soriẹ nọ whọ rọ jẹ iroro na.—Rri “Enọ Ahwo nọ A s’Ebe” evaọ Uwou-Eroro ọ June 15, 2004, gbe October 15, 2000, (erọ Oyibo).