Kọ Whọ Riẹ Onọ Whọ rẹ Salọ?

Edọkita buobu evaọ Nigeria a bi siwi ahwo ababọ azẹ osefihọ-oma enẹna. Kọ whọ riẹ je wo otoriẹ oghẹrẹ usiwo-imu ababọ-azẹ nọ e riẹ enẹna? U fo nọ whọ rẹ riẹ re whọ jẹ iroro ra kpahotọ kpahe oghẹrẹ usiwo-imu gbe obẹrọ nọ o were owhẹ. Rri ividio na No Blood—Medicine Meets the Challenge. Who te rri rie no, rehọ enọ nọ e rrọ obotọ na rọ kiẹ otoriẹ ra riwi.—Muẹrohọ: Fikinọ ughe oma-obẹrọ ekpẹkpẹ jọ e rrọ ividio na, esẹgbini a rẹ rehọ areghẹ rri ividio na kugbe emaha na.

(1) Fiki ugogo ẹjiroro vẹ Isẹri Jihova a be rọ se azẹ osefihọ-oma? (2) Rọ kpahe usiwo-imu, eme Isẹri Jihova a gwọlọ? (3) Ugogo udu vẹ ohwo nọ ọ be mọ o wo? (4) Fikieme o jẹ rrọ oware nọ u wo iroro je dhesẹ osegboja ẹruorote oma re ohwo ọ salọ usiwo-imu nọ a re ro nwene azẹ osefihọ-oma? (5) Nọ azẹ o te bi hwẹ kufiẹ gaga, didi eware ivẹ nọ e mae r’oja edọkita i re ru? (6) Didi ehri-izi ene e rrọ ona usiwo nọ a re ro nwene azẹ osefihọ-oma? (7) Ẹvẹ edọkita a sai ro (a) ru nọ azẹ o gbe hwẹ kufiẹ bu hrọ họ, (b) ru nọ egẹgẹ azẹ ọwawae i gbe vru bu hrọ họ, (c) ru azẹ ohwo vihọ, gbe (d) ru ohwo wariẹ wo azẹ nọ o no rie oma? (8) Dhesẹ oghẹrẹ usiwo-imu nọ a re se nọ (a) hemodilution gbe (b) cell salvage. (9) Eme u fo nọ a rẹ vuẹ owhẹ kpahe usiwo-imu nọ a re ro nwene azẹ osefihọ-oma? (10) Kọ a sai ru obẹrọ ogaga gbe onọ o gwọlọ ona ziezi ababọ azẹ osefihọ-oma? (11) Emamọ oware jọ vẹ o be romavia evaọ udevie edọkita enẹna?

Eghẹrẹ usiwo jọ nọ a dhesẹ evaọ ividio na yọ enọ omomọvo ọ rẹ rehọ iroro riẹ nọ ọ rehọ Ebaibol wuhrẹ no rọ salọ, sọ ọ gwọlọ hayo ọ se. Kọ whọ jiroro kpahe oghẹrẹ usiwo-imu nọ a re ro nwene azẹ osefihọ-oma nọ whẹ gbe emọ ra a rẹ sae rehọ, je kere ẹjiroro ra fihọ ekade DPA ra no? Re whọ sai wo otoriẹ eme nana ziezi, roma totọ se “Enọ Ahwo nọ A s’Ebe” evaọ Uwou-Eroro ọ June 15, 2004, gbe October 15, 2000, (erọ Oyibo). Kẹsena whọ vẹ rehọ ebe ọkiẹriwi nọ e rrọ uko-obeva Odibọgba Uvie Mai ọrọ December 2006 nọ u wo uzoẹme na, “Didi Iroro Mẹ rẹ Jẹ Kpahe Eroruiruo Egẹgẹ-Esese Azẹ gbe Oghẹrẹ Usiwo-Imu nọ U Kpomahọ Eroruiruo Azẹ Obọmẹ?,” rọ jiroro ra kpahe enọ whọ jẹrehọ gbe enọ whọ se. Muẹrohọ nọ who kere ẹjiroro ra gbagba fihọ ekade DPA ra. Whọ rẹ vuẹ amiunugu usiwo-imu ra nọ whọ salọ gbe imoni ra nọ e rrọ Isẹri Jihova ha kpahe ẹjiroro ra.

[Uwoho nọ e rrọ ẹwẹ-obe avọ 2]

• Kọ whọ jiroro kpahe oghẹrẹ usiwo-imu nọ a re ro nwene azẹ osefihọ-oma nọ whẹ gbe emọ ra a rẹ sae rehọ no?

• Kọ whọ be wha ekade DPA nọ who kere eme fihọ gbagba no lele oma ariẹse oware idudhe he?