Ọjọriẹ Ehaa Ekareghehọ

Enukpe nana ehaa Ekareghẹhọ na o kie fihọ Edesa-Oka, April 16. U fo re ekpako na a muẹrohọ eware nana:

◼ Nọ wha te bi fi oke ọ omakokohọ na họ, jọ u mu owhai ẹro nnọ a rẹ wọ ebrẹdi gbe udi na ha bẹsenọ ọre o re kiediwi no.

◼ Ahwo kpobi, kugbe ọnọ ọ te kẹ ovuẹ na, a rẹ riẹ uzedhe oke gbe oria ehaa na.

◼ A re wo oghẹrẹ ebrẹdi gbe udi nọ a gwọlọ na te obọ a vẹ jẹ ruẹrẹ ae kpahe.—Rri Uwou-Eroro ọ February 15, 1985 (ọrọ Oyibo), ẹwẹ-obe avọ 19.

◼ A rẹ kake wha imidhe, egalase, gbe emẹjẹ avọ ohọ-emẹjẹ nọ u kiehọ ze ọgwa na a vẹ jẹ kake ruẹrẹ ae họ oria rai.

◼ A re ru Ọgwa Uvie hayo oria ofa nọ a ti kokohọ na fo tẹtẹtẹ evaọ ẹruoke.

◼ A rẹ kake salọ eruẹrẹahwohọ avọ enọ e te wọ emu na tao re oke u te te, a vẹ jẹ kẹ ae uthubro kpahe ẹkẹ-iruo rai gbe oghẹrẹ nọ a ti ro ru ei , gbe ẹgwọlọ nọ a rẹ rọ wha ẹgọ gbe osẹ nọ u wo adhẹẹ.

◼ A re ru ọruẹrẹfihotọ re a wọ ebrẹdi gbe udi na se ọnọ a wholo kpobi nọ ọ sae nyaze he fikinọ oma riẹ o ga ha.

◼ Nọ ikoko nọ e te jọ Ọgwa Uvie ọvona ru ehaa na e tẹ vrẹ ọvo, emamọ ọruẹrẹfihọ ọ rẹ jọ udevie ikoko na re unuẹthẹ, edhere owotọ, gbe oria nọ a rẹ dhẹ imoto fihọ e siọ ahwo ba ẹkeke. O tẹ lọhọ, u re woma re iminiti 45 e vrẹ taure ukoko ofa u te ti muhọ.