Ileta Uwou-Ogha

Iwhowho Uvie Eghaghae:

‘Ọghẹnẹ o bi ru ei ro.’ (1 Kọr. 3:6) O rrọ oware evawere gaga nọ ma be rọ ruẹ ẹvi evaọ ẹkwotọ Nigeria! Evaọ ukpe iruo 2003 na, ebe-iwuhrẹ Ebaibol nọ a tohọ i bu vrẹ 90,000. Onana u woma gaga.

Jihova ọ be ghale omaa iruo ebabọ Egwa Uvie na. Ẹko-Iruiruo Ebabọ Ọgwa Uvie 29 e rrọ Nigeria enẹna. Evaọ etoke ukpe iruo 2003 na, ma jẹ hae bọ Ọgwa Uvie ọvo re evaọ okpẹdoke. Enẹna ikoko buobu a be sai wo emamọ Egwa Uvie nọ a be jọ gọ Ọghẹnẹ mai, Jihova.

Re a ruẹsi ru ebe nyate ẹvi ahwo nọ a rrọ otọakpọ na soso, a bi ru oria Ebe-Ikporo eva Watchtower Farms, nọ o kẹle Wallkill, New York, kẹre. A bi ru ẹnyaharo gaga evaọ erukẹre riẹ. Koyehọ oria ebe-ikporo na o te kẹre te oria nọ a rẹ sae bọ Egwa Uvie 30 fihọ! A ti vi obọdẹ ijini ebe-ikporo ekpokpọ ivẹ ze evaọ emuhọ 2004. Ijini na ọvuọvo e te sai kporo emagazini 25 evaọ emaharo ọvo. A ti je mu ekwakwa ekpokpọ nọ a rẹ rọ gba ebe kugbe avọ enọ a re ro koko ebe fihọ kẹ ikoko họ eroruiruo evaọ ukpe ọ 2004. Onana u ti fi obọ họ nọ a ti ro kporo ebe bu viere avọ umutho ahwo nọ a re ro ruiruo.

Nọ ma bi ti mu ukpe iruo 2004 họ na, ma ku oma gbe owhai be lẹ nnọ Jihova ‘o gbe ru iruo na rro haro.’

Inievo rai,

Uwou-Ogha Nigeria