Ikokohọ Ubrotọ gbe erọ Akpọ-Soso E be Wọ Omai kẹ Ọghẹnẹ Oruaro!
Ikokohọ Ubrotọ gbe erọ Akpọ-Soso ọ “Rehọ Oruaro kẹ Ọghẹnẹ” na i se isẹri ilogbo no. Obọdẹ eruẹrẹfihotọ Esuo-Ọghẹnẹ enana i fi obọ họ kpare odẹ Jihova kpehru jẹ ruẹrẹ omai kpahe no re ma “rehọ oruaro nọ u te odẹ ỌNOWO rọ kẹ e.” (Ol. 96:8) Evaọ uzẹme, o te ọnọ a rẹ kẹ orro fiki iruẹru emama igbunu riẹ nọ i bi dhesẹ ekwakwa eghaghae riẹ via.—Job 37:14; Evia. 4:11.
Ẹkwoma eme nọ who kere fihotọ k’omobọ ra gbe enọ obotọ na, ruẹrẹ oma kpahe re whọ jẹ kpahe ẹme evaọ oke nọ a te kiẹ ọruẹrẹfihotọ okokohọ na riwi evaọ oka ọ February 16.
1. Ẹvẹ emama nọ i wo uzuazọ họ i bi ro dhesẹ oruaro Ọghẹnẹ via, kọ ẹvẹ oyena u ro wo ohẹriẹ no oghẹrẹ nọ ahwo a bi ro jiri ei? (Ol. 19:1-3; rono ẹme na ze “Emama I bi Whowho Oruaro Ọghẹnẹ”)
2. Eme ẹrẹriẹ na o dhesẹ nọ ma be ruẹ orugba riẹ, kọ evaọ edhere vẹ orugba riẹ nẹnẹ ọ be rọ kẹ Ileleikristi ọwhọ? (rono Ovuẹ Ọsogba na ze, “Eruẹaruẹ Oruaro E be k’Omai Ọwhọ!”)
3. Ẹvẹ ma sai ro wo oghẹrẹ omarokpotọ nọ Daniẹl ọruaro na o dhesẹ, kọ ẹvẹ ma ti ro wo erere no ere oruo ze? (Dan. 9:2, 5; 10:11, 12; rono ẹme na ze “A re Dhesẹ Oruaro Jihova Via kẹ Otu Omarokpoto”)
4. (a) Eware esa vẹ kpahe ẹdhoguo Ọghẹnẹ ma rẹ sai wuhrẹ no eruaruẹ Emọs ze? (Emọs 1:3, 11, 13; 9:2-4, 8, 14) (b) Uvi uwuhrẹ vẹ Isẹri Jihova nẹnẹ a rẹ sai wuhrẹ no oriruo unuovẹvẹ nọ o rrọ Emọs 2:12 na ze? (rono ọzọhọkugbe-eriariẹ na ze “Eruẹaruẹ Emọs—Ovuẹ nọ U Wo kẹ Edẹ Mai Na”)
5. (a) Enwoma vẹ e rrọ udi nọ a rẹ da buobu, o tẹ make rọnọ u bi mu ohwo ho? (b) Ẹvẹ a sai ro si oma no ẹbẹbẹ ọ udi nọ a rẹ da buobu? (Mak 9:43; Ẹf. 5:18; rono ẹme na ze “Whaha Agbefẹ ọ Idieda Thomawa”)
6. Oghẹrẹ vẹ who bi ro wo erere no obe okpokpọ na ze “Ruẹ Otọ Uwoma Na”? (rono ẹme na ze “ ‘Otọ Uwoma Na’—Ẹmẹvo ọ Aparadase”)
7. Idhere esa vẹ ma sai ro ‘dhesẹ oruaro Jihova via wọhọ ighẹgbe’? (2 Kọr. 3:18; rono ọzọhọkugbe-eriariẹ na ze “Ma Bi Dhesẹ Oruaro Jihova Via Wọhọ Ughẹgbe”)
8. Eme ọ be wha omukpahe igheghe ze, kọ eme ọ rẹ sai fi obọ họ kẹ omai yọrọ ekiete mai dedenọ a bi mukpahe omai? (Ol. 109:1-3; rono ẹme na ze “A Mukpahe Ae Gheghe”)
9. Eme họ oghẹrẹ eriwo Kristi kpahe omorro, kọ ẹvẹ ohwo ọ sae rọ riẹ abọ nọ o jẹ gwọlọ nnọ o ru enyaharo kpahe eriwo nana vọvọ viere? (Mat. 20:20-26; rono ẹme na ze “Ewo Oghẹrẹ Eriwo Kristi Kpahe Omorro”)
10. Eme ọ rẹ sai fi obọ họ kẹ omai jaja aro vi evaọ abọ-ẹzi o tẹ make rọnọ oma o rrọ omai evaọ ugboma? (rono ẹme na ze “Oma O Rrọ Rae, Rekọ A Serihọ Họ”)
11. Ẹkwoma idhere jọ vẹ Setan ọ be rọ wha erue haro, kọ owojẹ Ikereakere vẹ ma rẹ jẹ evaọ okenọ a tẹ be gwọlọ raha ẹrọwọ mai? (Jọn 10:5; rono ẹme na ze “Yọrọ Oma kẹ ‘Urru Erara’ ”)
12. (a) Ẹvẹ esẹgbini e sai ro lele oriruo Jesu wọhọ epanọ a kere fihọ Mak 10:14, 16 na? (b) Eme o si owhẹ urru evaọ obe okpokpọ na Wuhrẹ Mi Owuhrẹ Ologbo Na? (rono ẹme na ze “Emọ Mai—Ukuoriọ Oghaghae”)
13. Ẹvẹ izoge i bi ro jiri Jihova? (1 Tim. 4:12; rono ẹme na ze “Epanọ Izoge I Bi Ro Jiri Jihova”)
14. Abọ vẹ evaọ edrama na “Isẹri-Ise avọ Aruọwha Ghelọ Ọwọsuọ” whọ be kareghẹhọ vevẹ evaọ iroro ra?
15. Ẹvẹ ma sae rọ raro kele oriruo nọ ahwo nana a fihotọ? (a) Pita avọ Jọn (Iruẹru 4:10) (b) Stivin (Iruẹru 7:2, 52, 53) (c) ukoko Ileleikristi ikpe-udhusoi ọsosuọ na. (Iruẹru 9:31; rono edrama gbe ẹme na ze “Whowho Emamọ Usi na ‘Ababọ Eriosehọ’ ”)
16. (a) Idhere vẹ ma gba mu nnọ ma rẹ rọ rehọ oruaro kẹ Ọghẹnẹ? (b) Eme ma rẹ sai wo imuẹro riẹ nọ ma bi fi eware nọ ma wuhrẹ eva Ikokohọ “Rehọ Oruaro kẹ Ọghẹnẹ” hiruo na? (Jọn 15:9, 10, 16; rono ẹme na ze “Gbẹ Hae ‘Mọ Ibi Buobu’ Rọ kẹ Oruaro Jihova”)
Ẹkwoma eroro kpahe obọdẹ ithubro abọ-ẹzi nọ a kẹ omai evaọ okokohọ na, oma o te wọ omai re ma fi eware nọ ma wuhrẹ na hiruo. (Fil. 4:8, 9) Onana o te bọ ọtamuo mai ga nọ ma je ‘ru eware kpobi rọ kẹ Ọghẹnẹ oruaro.’—1 Kọr. 10:31.