Eruẹrẹfihotọ nọ I Re Fi Obọ họ k’Omai Kẹnoma no Azẹ

Iwhowho-uvie nọ e họ-ame no enọ i kere eme fihọ ekade ọ Advance Medical Directive/Release hayo Identity Card no vẹre, onọ a fi ideti nọ Ukoko u ro ru ei fihọ iẹe he, hayo onọ a fi ideti 3/99 họ wọhọ okenọ a ro ru ei, a ti du kere eme fihọ ọkpokpọ evaọ enukpe nana ha. Evaọ Ewuhrẹ Odibọgba ọrọ oka ọ December 29, okere-obe na o re wo ekade nọ i te nọ ọ rẹ rọ kẹ iwhowho-uvie nọ e họ-ame no obọ, emọ rai, gbe enọ e gwọlọ nwene erai nọ i vru hayo raha no. Ma vi ekade na se ikoko kpobi no. Otẹrọnọ ekade nọ ukoko jọ u wo i bu te he, okere-obe na ọ rẹ sae nọ mi ikoko ekẹloma hayo yare ekade efa evaọ ayare ukoko rai n’otha.

A rẹ roma totọ kere eme fihọ ekade na no obọ uwou ze, rekọ a rẹ whobọ họ ae HE. Obọ-owhẹhọ, isẹri, gbe ẹdẹ nọ a ro kere ekade na a re ru ai kpobi nọ Uwuhrẹ Obe Ukoko n’otha na o tẹ fa no, avọ obufihọ ọsẹro uwuhrẹ obe ukoko na. Ahwo nọ a be whobọhọ ekade na wọhọ isẹri a rẹ ghinẹ ruẹ ọnọ o wo ekade na evaọ okenọ ọ be whobọ họ iẹe.

Iwhowho-uvie nọ e re họ-ame he a rẹ sae rehọ eme no ekade ọ Advance Medical Directive/Release na, gbe Identity Card na ze ro kere eme fihọ omobe kẹ omobọ rai gbe emọ rai.