Ọruẹrẹfihotọ Ọkpokpọ Nọ O Re Fi Obọ họ kẹ Omai Si Oma No Azẹ
Ugboma Esuo na u kuenu kẹ ekugbe eme nọ e mai wuzou eva efọmo ọ durable power of attorney (DPA) gbe ekade ọ Advance Medical Directive/Release na kugbe fihọ obe ovo nọ u wo ẹgba evaọ abọ-uzi, nọ ma te hai se nọ ekade ọ DPA.
Ekade ọ DPA na o ti wiruo eva oke krẹkri, yọ o te jọ wọhọ ẹme ẹgwọlọ ra nọ oware idudhe jọ o tẹ via k’owhẹ. Evaọ obaro, who re kere eme fihọ ekade ọ DPA ọkpokpọ otẹrọnọ (1) whọ gwọlọ ru enwene jọ fihọ ekade ọ DPA ra, wọhọ enwene ẹgwọlọ ra, amiunugu rọkẹ usiwo imu ra, adrẹse, gbe inọmba ifonu ra, hayo (2) ekade ọ DPA ra o vru no hayo ọ raha no.
Nọ who te bi ti kere eme fihọ ekade ọ DPA na, whọ rẹ lẹ se Jihova kẹ ọkpọvio, whọ vẹ rọ oma totọ kere eme fihọ iẹe eva obọ uwou. Dede na, taure whọ tẹ te whobọhọ ekade na, u wuzou gaga re whọ nya lele ithubro nọ a kẹ na kpekpekpe. Wọhọ oriruo, otẹrọnọ ekade ra ọ ta nọ o gwọlọ isẹri ivẹ nọ e rẹ jariẹ nọ whọ be whobọhọ ekade na, isẹri na e rẹ jariẹ nọ whọ be whobọhọ iẹe na. No oke ruoke, esẹro uwuhrẹ obe ukoko e rẹ sae kiẹ mi ahwo nọ a ri kere eme fihọ ekade ọkpokpọ họ re ọ ruẹ jọ a gwọlọ obufihọ.
Taure who te ti kpiri ekade ọ DPA na, ru ifotokọpi ekade na nọ i re mu ziezi re whọ rọ ọjọ kẹ amiunugu rọkẹ usiwo-imu ra, amiunugu avivẹ nọ a rẹ sai se, gbe edọkita ra, who ve fi ọjọ họ efaele ra. Whọ sai je ru ifotokọpi jọ kẹ ahwo uviuwou ra gbe okere-obe ukoko ra. Who re fotokọpi tabọ tabọ obe na fihọ ewẹ-obe ivẹ avọ ekade DPA na nọ o re kie fihọ udevie obe na ẹrẹrẹe, yọ ewẹ-obe ivẹ na e rẹ gbada te onọ ukoko o be hai ro kere ileta se owhai na. Uzedhe ekade ọ DPA ọsosuọ na dẹẹ whọ rẹ wha lele oma, orọnikọ ọnọ who fotokọpi hi.
Identity Card nọ a kere ideti ọ 3/99 fihọ nọ a rẹ rọ kẹ emọ nọ e re họ-ame he nọ esẹgbini rai e rrọ ukoko na u ri nwene he. Esẹgbini a ruẹ inọ a kere eme gbagba jẹ whobọhọ ekade nọ a be rọ kẹ emọ esese rai kpobi, a ve je mu ẹro họ nnọ emọ na e wha ekade na lele oma evaọ okenọ u te fo.
Iwhowho-uvie nọ e re họ-ame he a rẹ sae rehọ eme nọ e rrọ ekade ọ DPA na gbe Identity Card na ro kere ithubro usiwo-imu rai gbe ọrọ emọ rai fihọ otọ kẹ oma rai. Okere-obe ukoko na ọ rẹ rọ ekade ọ DPA na kẹ iwhowho-uvie ekpokpọ nọ e họ-ame obọ evaọ ukpe na.