Ruẹrẹ Oma Kpahe Enẹna kẹ Usiwo-Imu Idudhe

Fikieme ma rẹ rọ ruẹrẹ oma kpahe? Ẹyao ọ rẹ sai kie ohwo idudhe, nọ o rẹ rọ gwọlọ nọ a fi ohwo họ ehwa evaọ obọ ọspito. Fikiere, enẹna ma rẹ rọ ruẹrẹ oma kpahe re a sae rẹrote omai evaọ edhere nọ o te mai kiehọ omai oma evaọ obọ ọspito nọ oware utioye o tẹ via. Ma tẹ ruẹrẹ oma kpahe, u re dhesẹ nọ ma rri uzuazọ ghaghae, ma tẹ jẹ gwọlọ koko uzi nọ Jihova o jie kpahe azẹ.—Iru 15:28, 29.

Eme whọ rẹ sai ru rọ ruẹrẹ oma kpahe?

• Lẹ re whọ jẹ romatotọ fili ekade durable power of attorney (DPA) ra.a Iwhowho-uvie nọ e họ-ame no, a sai mi oniọvo nọ ọ be rẹrote ebe ukoko na ekade DPA na, yọ a sai je mi Identity Card (ic) rọkẹ emọ rai nọ e gbẹ maha

• Otẹrọnọ who dihọ, ta kẹ ekpako ukoko ra re a kẹ owhẹ obe nọ a re se Evuẹ nọ I re Fiobọhọ kẹ Eyae nọ I Dihọ (S-401). Evuẹ nana e rẹ sai fiobọhọ kẹ owhẹ riẹ oware nọ whọ rẹ sai ru evaọ ẹruoke, otẹrọnọ ebẹbẹ jọ e romavia evaọ etoke nọ who ro dihọ na hayo okenọ who ti yẹ

• Otẹrọnọ who ti kpohọ usiwo-imu nọ o sai wobọ kugbe azẹ hayo onọ a ti ro fi owhẹ họ ehwa evaọ obọ ọspito, vuẹ ekpako ukoko ra taure oke yena u te ti te, re whọ jẹ vuẹ ahwo ọspito na nọ ọkpako ukoko ra nọ ọ rrọ Osẹri Jihova o ti weze bru owhẹ ze

Ẹvẹ ekpako na a sai ro fiobọhọ? Ekpako na a sai fiobọhọ kẹ owhẹ fili ekade DPA na. Rekọ ekpako na a rẹ vuẹ owhẹ oghẹrẹ usiwo-imu nọ whọ rẹ rehọ họ. Yọ a te vuẹ owhẹ oware nọ who re ru gbe he evaọ ẹme nọ o jọ gwọlọ nọ whọ rẹ jiroro na kẹ omobọ ra. (Rom 14:12; Gal 6:5) Who te kpohọ usiwo-imu, nọ ẹme azẹ osefihọ oma ọ jẹ roma lahwe, u fo re whọ vuẹ ekpako ukoko ra. A ve fiobọhọ kẹ owhẹ se Ogbẹgwae Ẹmeọta-Kugbe Ahwo Iwou-Imu (HLC) ababọ oke oraha.

Ẹvẹ inievo nọ e rrọ HLC na a sai ro fiobọhọ? A wuhrẹ inievo nọ e rrọ ogbẹgwae nana epanọ a sae rọ ta ẹme kugbe enọ e riẹ kpahe usiwo-imu gbe eriẹ-izi, re a riẹ oghẹrẹ nọ mai Isẹri Jihova ma rri azẹ osefihọ oma. A sai lele edọktọ ra ta ẹme kpahe oghẹrẹ usiwo-imu nọ a re ru ababọ azẹ. A sai je fiobọhọ kẹ owhẹ gwọlọ edọktọ nọ ọ rẹ rọwo siwi owhẹ ababọ azẹ, nọ o tẹ gwọlọ ere.

WHA RRI IVIDIO NA EPANỌ WHỌ SAE RỌ JẸ EMAMỌ IRORO EVAỌ ẸME USIWO NỌ U WỌBỌ KUGBE AZẸ, KẸSENA WHA VẸ KUYO ONỌ NANA:

• Eme whọ jọ ividio na ruẹ nọ o rẹ sai fiobọhọ kẹ owhẹ ruẹrẹ oma kpahe kẹ usiwo-imu nọ u wobọ kugbe azẹ?

  Uyo ra