Ẹme nọ Whọ rẹ Ta Kpahe Emagazini Na

Awake! June

“Kọ whọ gbẹ rọwo inọ ọraha nọ ohwo ọ so ho nọ e via kẹle na i fiẹgba họ epanọ u wuzou te re a kezọ unuovẹvẹ? [Kuvẹ kẹ uyo.] Uzoẹme nana o ta kpahe oware nọ ahwo nọ a zọ no ofou-ọwhibo nọ ahwo Oyibo a se nọ Hurricane Katrina ze a wuhrẹ. O tẹ jẹ ta kpahe unuovẹvẹ jọ nọ u fo nọ mai kpobi ma rẹ kezọ kẹ nẹnẹ.” Tẹme kpahe uzoẹme nọ o jọ ẹwẹ-obe avọ 14 muhọ na.

Uwou-Eroro Na July 1

“Evaọ akpọ inẹnẹ nọ ebẹbẹ e vọ na, ahwo buobu a be hae nọ inọ: ‘Fikieme ebẹbẹ e jẹ vọ akpọ enẹ? Otẹrọnọ Ọghẹnẹ ọ rrọ, fikieme o gbe ru oware jọ re o si uye-oruẹ no ho?’ Kọ who roro kpahe oyena no ẹdẹjọ? [Kuvẹ kẹ uyo.] Emagazini nana u dhesẹ iyo nọ Ebaibol e kẹ kpahe enọ yena.” Se 2 Timoti 3:16.

Awake! July

“Nẹnẹ, erọo buobu e vọ avọ ebẹbẹ. Kọ who roro nọ ahwo nọ a rọo no a te fi ohrẹ nana họ iruo u re fiobọhọ kẹ ae? [Se Ahwo Ẹfẹsọs 4:32. Whọ vẹ kuvẹ kẹ uyo.] Ukere Awake! nana o ta kpahe ehri-izi Ebaibol ẹruoke nọ e rẹ sai fiobọhọ k’omai wo orọo evawere.”