Ẹme nọ Whọ rẹ Ta Kpahe Emagazini Na

Uwou-Eroro Na Apr.-June

“Ahwo buobu a rẹ ta nọ a riẹ Ọghẹnẹ. Rekọ ẹvẹ ohwo ọ sai ro dhesẹ nọ ọ ginẹ riẹ Ọghẹnẹ? [Kuvẹ kẹ uyo. Who ve se Mak 12:29, 30.] Jesu o dhesẹ oware nọ u fo nọ ma rẹ riẹ kpahe Ọghẹnẹ k’omai. Uzoẹme nana nọ u muhọ evaọ ẹwẹ-obe avọ 6 na o ta kpahe oware nọ ma sai wuhrẹ mi Jesu kpahe Ọghẹnẹ uzẹme na.”

Awake! June

“Mẹ riẹ nọ whọ rọwo inọ etoke ọmoha o rẹ jọ bẹbẹ gaga kẹ emoha avọ esẹgbini rai. Kọ who roro nọ esẹgbini a te fi uthubro nana h’iruo o sai fiobọhọ kẹ ae yọrọ emọ rai ziezi? [Se Jemis 1:19. Whọ vẹ kuvẹ kẹ uyo.] Whọ te jọ emagazini nana se kpahe ithubro Ebaibol nọ i re fiobọhọ evaọ ẹme nana.”

Awake! July

“Ahwo nọ a rọo no a be rẹriẹ ovao dhe ebẹbẹ buobu, yọ erọo buobu e be fa. Kọ who roro nọ ohrẹ nana nọ a re fihọ iruo o rẹ lẹliẹ evawere jọ orọo je ru ei tọ? [Se Itẹ 12:18. Kẹsena whọ vẹ kuvẹ kẹ uyo.] Emagazini nana o ta kpahe ehri-izi Ebaibol efa nọ e rẹ sai fiobọhọ kẹ ahwo nọ e rọo no bọ orọo rai ga.”