Ileta Nọ I No Obọ Uwou Ogha Ze

Iwhowho-Uvie Eghaghae:

Eva e were omai nọ ma rọ jọ ẹkwotọ Nigeria ruẹ ẹnyaharo iruo Uvie na evaọ ukpe iruo 2007! Ma rẹro ruẹ eware ọbọga buobu evaọ odibọgba na. Ofariẹ re, a bọ ọfisi ọkpokpọ obọ Eko na re no. Onana u ti fiobọhọ kẹ uwou ogha na rọ ẹro te eware buobu. A be ruẹrẹ ọfisi anwae obọ Eko na re a te hae jariẹ ru Isukulu Ewuhrẹ Odibọgba. Ma rẹro nọ isukulu na e te wariẹ muhọ evaọ emuhọ ukpe 2008.

Evaọ ẹkwotọ Nigeria, Usi Uvie Avọ 37 na, “Ekuhọ Egagọ Erue Ọ Kẹlino!” nọ a ghale i bu vi ima isoi. Nọ Usi Uvie na u te oniọvo-ọmọtẹ mai jọ nọ ọ se iruo Uvie ba no riẹriẹriẹ obọ, je sei no, owezẹ o gbẹ jẹ kaki su ei hi. Evaọ Ẹdoka nọ o lele i rie, o te kpohọ ewuhrẹ jẹ yare inọ a ru obe-uwuhrẹ Ebaibol kugbei. Ahwo nọ a dhesẹ isiuru a rọ ẹmẹwẹ-obe ayare nọ o rrọ uke Usi Uvie na rọ yare ibroshọ Wha Hai Rroro! na buobu, a tẹ jẹ yare ebe-uwuhrẹ Ebaibol re.

Ẹjiroro usi-uwhowho họ re ma fiobọhọ kẹ ahwo udu oruọzewọ wuhrẹ kpahe oware nọ Ebaibol u gine wuhrẹ. (Mat. 28:19, 20) Nọ whọ tẹ rrọ usiuwoma, kareghẹhọ kere edẹ ahwo nọ a dhesẹ isiuru fihotọ, jẹ daoma zihe avọ ẹjiroro ẹtohọ obe-uwuhrẹ Ebaibol. Eva e be were omai nọ ma bi ro ruiruo kugbe owhai evaọ iruo nana nọ i wuzou gaga na, yọ ma vi uyoyou Oleleikristi mai se owhai.

Inievo rai,

Uwou Ogha Nigeria