Ẹme nọ Whọ rẹ Ta Kpahe Emagazini Na

October-December

“Ahwo jọ a re roro nọ Ọghẹnẹ ọ fo vi ọnọ a rẹ sai ru eva were. Ẹvẹ who roro kpahe onana? [Kuvẹ kẹ uyo.] Iviena joma se oria Ebaibol nana. [Se 1 Iruẹru-Ivie 28:9.] Nọ o rrọ ere na, eme Jihova ọ be kiẹ gwọlọ evaọ udu mai? Uzoẹme nana nọ u muhọ evaọ ẹwẹ-obe avọ 26 na o ta kpahe oware nọ Jihova ọ be kiẹ gwọlọ evaọ udu mai.”

December

“Ahwo buobu a be nọ inọ, ‘Otẹrọnọ Ọghẹnẹ ọ rrọ, fikieme o gbe ri kpe Ẹdhọ no ho?’ Kọ who roro ere no ẹdẹjọ? [Kuvẹ kẹ uyo.] Uzoẹme nana nọ o rrọ ẹwẹ-obe avọ 10 gbe 11 na o kẹ uyo onọ yena no Ebaibol na ze. O tẹ jẹ ta kpahe epanọ akpọ na o te jọ nọ a te kpe Ẹdhọ no.” Se obe Eviavia 21:3, 4.

January-March

“Ohwo kpobi ọ gwọlọ wo edẹro. Kọ who roro nọ ma re wo ugho taure ma te wo edẹro? [Kuvẹ kẹ uyo.] Ohwo jọ evaọ usu enọ i kere Ebaibol na o wuhrẹ epanọ o re ro wo edẹro makọ okenọ eware e jọ gaga kẹe. [Se Ahwo Filipai 4:11, 12.] Emagazini nana o ta kpahe eware isoi jọ nọ Ebaibol na e fodẹ nọ i re fi obọ họ kẹ ohwo wo edẹro.”

January

Dhesẹ uke emagazini na kẹ ohwo na jẹ nọe nọ, “Ẹvẹ whọ rẹ sae kuyo onọ nana? [Kuvẹ kẹ uyo.] Ebaibol na e tuduhọ ahwo awọ inọ a ru udhedhẹ. [Se Jemis 3:17.] O tẹ rrọ ere, fikieme egagọ i gbe ri ku ahwo-akpọ kugbe he? Kọ egagọ i ti ru ahwo wo udhedhẹ ẹdẹjọ? Emagazini nana o kẹ iyo enọ nana.”