Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ October

“Ibuobu e be hae lẹ Olẹ Olori na inọ: ‘Uvie ra oze, epanọ a rọ obọ odhiwu ru orọ eva ra, ru re a jọ akpọ na ru ere re.’ Eme who roro nọ Uvie na u dikihẹ kẹ? [Kuvẹ kẹ uyo.] Oria Ebaibol nana o ta oware jọ kpahe ẹme na.” Se Daniẹl 2:44. Kẹsena whọ vẹ rehọ Uwou-Eroro ọ October-December na rọ kẹe. Se jẹ ta ẹme kpahe onọ ọsosuọ nọ o rrọ ẹwẹ-obe avọ 8 na, je se oria Ikere ọvo jọ nọ a jariẹ fodẹ. Ku Awake! kugbe Uwou-Eroro na rọ kẹe, je ru ọruẹrẹfihotọ epanọ whọ te rọ kuyo onọ nọ o kẹle riẹ na.

Uwou-Eroro Na October-December

Dhesẹ uke Uwou-Eroro na kẹ ohwo, whọ vẹ ta nọ: “Ẹvẹ whọ rẹ kuyo onọ nana? [Kuvẹ kẹ uyo.] Muẹrohọ oware nọ Ebaibol na ọ ta. [Se 1 Jọn 5:19.] Oria nana o ta nọ ‘oyoma na’ hayo Ẹdhọ o bi su akpọ na. Rekọ oyena o wha enọ jọ ze. Bovẹ Ẹdhọ o noze? Kọ ohwo ọ ginẹ rrọ? Ẹvẹ Ọghẹnẹ ọ te kẹe uvẹ su kri te? A jọ uzoẹme nana nọ u muhọ evaọ ẹwẹ-obe avọ 3 na dhesẹ oware nọ Ebaibol ọ ta.”

Awake! October

“Ma bi weze bru iviuwou nẹnẹ re ma lele ai ta eme nọ i re fi obọ họ kẹ ae. Eme whọ rẹ sae ta nọ o mae rrọ ẹbẹbẹ kẹ esẹgbini nẹnẹ evaọ ẹyọrọ-emọ? [Kuvẹ kẹ uyo.] Ehrẹ Ebaibol i bi fi obọ họ kẹ esẹgbini buobu. Wọhọ oriruo, obọdẹ eme nọ e rrọ oria Ebaibol nana i re fi obọ họ nọ a tẹ be whọku emọ. [Se Ahwo Ẹfẹsọs 4:31.] Emagazini nana o dhesẹ epanọ ehrẹ Ebaibol e sai ro fi obọ họ kẹ esẹgbini evaọ edhe kpobi nọ emọ na a rrọ, no okenọ a gbẹ rrọ emaha ri ruọ uzoge.”