Iriruo Usiuwoma Ota

Onọ A re ro Mu Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ May

“Ma be tuduhọ ahwo awọ re a se Ebaibol na. Ahwo buobu a re roro nọ o rrọ bẹbẹ re a wo otoriẹ Ebaibol na. Kọ ere o rrọ kẹ owhẹ re? [Kuvẹ kẹ uyo.] Rri ẹme nọ obe nana o ta.” Dhesẹ uke Uwou-Eroro May-June kẹe. Se onọ ọsosuọ na jẹ ta ẹme kpahe iẹe. Se oria Ebaibol ọvo jọ nọ a jariẹ fodẹ. Ku Awake! kugbe rọ kẹe, re wha fi oke họ nọ who ti ro zihe re wha ta ẹme kpahe onọ nọ o kẹle riẹ na.

Uwou-Eroro Na May-June

“Enwenọ ohwo kpobi nẹnẹ o wo ẹbẹbẹ. Onana o be lẹliẹ ahwo jọ roro nọ uzuazọ u fioka ha. Eme who roro nọ o be mae wha ọkora se ahwo nẹnẹ? [Kuvẹ kẹ uyo.] Ebaibol na ọ ta nọ Ọghẹnẹ o ti si ebẹbẹ kpobi no otọ kẹle. [Se Eviavia 21:4.] Emagazini nana ọ ta kpahe epanọ uzuazọ o te jọ evaọ obaro gbe epanọ ma sae rọ wereva enẹna.”

Awake! May

“Ma be ta kpahe oware jọ nọ o be kẹ ahwo buobu uye nẹnẹ—emuemu. Ahwo jọ a re roro nọ ẹbẹbẹ nana o re kpotọ nọ iporisi buobu e tẹ riẹ. Ẹvẹ who rri onana? [Kuvẹ kẹ uyo.] Kọ whọ riẹ nọ Ebaibol na ọ ta nọ emuemu o ti kuhọ kẹle? [Se Olezi 37:10, 11.] Emagazini nana ọ ta kpahe epanọ onana u ti ro rugba gbe oware nọ ma rẹ sai ru re ma thọ oma mai no egbulegbu.”