Epanọ Ma Sai ro Wo Onaa Ziezi Evaọ Usiuwoma Ota—Nọ Ma tẹ Nyaku Ohwo nọ Eva E be Dha

Oware nọ U ro Wuzou: Ahwo buobu nọ ma rẹ ta usiuwoma kẹ a re dede omai rehọ. Ghele na, Jesu ọ ta nọ ahwo jọ a ti mukpahe omai. (Jọn 17:14) Fikiere, u re gbe omai unu hrọ họ nọ ma tẹ nyaku ohwo nọ eva e be dha. O tẹ via ere, u fo nọ ma rẹ ta ẹme kẹ ohwo na evaọ oghẹrẹ nọ o rẹ rọ wha ujiro se Jihova ọnọ o vi omai uwou na. (Rom. 12:17-21; 1 Pita 3:15) Ma te ru ere, u ti ru nọ ẹme na o gbe ro no akaka ruọ okpe he. Onana o rẹ jẹ jọ isẹri kẹ ohwo na gbe ahwo nọ a rrọ etẹe, je ru nọ a te rọ gwọlọ gaviezọ okiọfa nọ inievo efa a te zihe.—2 Kọr. 6:3.