Rọ Ẹme Ọghẹnẹ Ru Iruo Ziezi nọ Whọ tẹ Rrọ Usiuwoma

Nọ ohwo ọ tẹ kẹ omai uvẹ re ma ta usiuwoma kẹe, ma rẹ rọ uvẹ yena dhesẹ kẹe epanọ ẹme Ọghẹnẹ o wo ẹgba te ẹkwoma Ebaibol nọ ma re se no ze viukpenọ ma re dhunu tei ọvo. Evaọ okokohọ obọdẹ ukpe nukpo, a fiẹgba họ ẹme nana gaga evaọ ẹme nọ ọsẹro okogho o ru nọ uzoẹme riẹ o ta nọ, “Rọ Ẹme Ọghẹnẹ Ru Iruo Ziezi nọ Whọ tẹ Rrọ Usiuwoma.” Kọ whọ gbẹ kareghẹhọ igogo eme na?

• Edhere vẹ ẹme Ọghẹnẹ o ro wo ogaga vi eriariẹ mai?—2 Tim. 3:16, 17.

• Ẹvẹ ẹme Ọghẹnẹ ọ rẹ rọ kiẹ oghẹrẹ ohwo nọ ma rrọ via, kpọ iroro mai, uruemu mai, gbe iwuhrẹ ethọthọ vi?—Rri Uwou-Eroro Azeza 15, 2012, ẹwẹ. 27, edhe. 7.

• Nọ ma te se oria ikere kẹ ohwo evaọ usiuwoma, ẹvẹ ma sae rọ kpọ iroro riẹ ziọ Ebaibol na evaọ oghẹrẹ nọ ọ sai ro wo adhẹẹ kẹe?—Rri obe Isukulu Odibọgba na, ẹwẹ. 148, edhe. 3-4 gbe Odibọgba Uvie Mai orọ Asa 2013, ẹwẹ. 6, edhe. 8.

• Fikieme u ro wuzou re ma se jẹ fa otọ ikere nọ ma se, kọ ẹvẹ ma re ro ru ei?—Iruẹru 17:2, 3; rri obe Isukulu Odibọgba na, ẹwẹ. 154, edhe. 4 rite ẹwẹ. 156, edhe. 5.