Epanọ Ma Sai ro Wo Onaa Ziezi Evaọ Usiuwoma Ota​—Oghẹrẹ nọ A re Ru Ozihebro

OWARE NỌ U RO WUZOU: Ahwo buobu nọ ma ta usiuwoma kẹ no, nọ usiuwoma na o were a be gwọlọ emamọ edhere nọ a rẹ rọ gọ Ọghẹnẹ. (Aiz 55:6) Re ma sai wuhrẹ ai họ aro, ma re dhe eziezihe. Nọ orọnọ du ohwo duọ ọvuọ ebẹbẹ riẹ na, oghẹrẹ nọ ma rẹ rọ ta usiuwoma kẹ ai o rẹ jọ epọvo na gbe he. Re ma sai wuhrẹ ai re a kru oware jọ dhobọ ẹsikpobi nọ ma zihe, ma rẹ daoma ruẹrẹ oma kpahe ziezi. Oware nọ ma bi ro zihe họ re ma mu obe-uwuhrẹ Ebaibol họ.

EPANỌ A RE RO RU EI:

• Daoma kaki zihe nọ emedẹ jọ e tẹ vrẹ no.​—Mt 13:19

• Whẹtiẹ ohwo na họ oma avọ adhẹẹ. Whọ họ oma ha

• Kaki yere ei sasasa. Se odẹ ohwo na. Vuẹ oware nọ o lẹliẹ owhẹ zihe. Whọ sae vuẹ nọ whọ nyaze re whọ kẹe uyo onọ jọ, whọ rehọ emagazini ekpokpọ sei, ividio hayo jw.org who ti dhesẹ kẹe, hayo re wha gbe mu obe họ ewuhrẹ kugbei. Otẹrọnọ oware ofa nọ o mae were iẹe ọ ta, tẹrovi oyena.​—Fil 2:4

• Re who ku ame ku ubi nọ whọ kọ no na, se oria Ebaibol jọ kẹe hayo kẹe obe jọ. (1Kọ 3:6) Mu ei ogbẹnyusu

• Ta ẹme jọ fihọ otọ nọ o te lẹliẹ owhẹ zihe