UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 7/08 ẹwẹ. 4
  • Omaruẹrẹkpahe—U re Fi Obọ Họ K’omai Ru Izihebro Ziezi

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Omaruẹrẹkpahe—U re Fi Obọ Họ K’omai Ru Izihebro Ziezi
  • Odibọgba Uvie Mai—2008
  • Onọ O Wọhọ E Riẹ
  • Izihebro I Re Su Kpohọ Ebe-Iwuhrẹ Ebaibol
    Odibọgba Uvie Mai—2003
  • Fi Obọ họ kẹ Enọ ‘I Wo Eva Ezi’
    Odibọgba Uvie Mai—2003
  • Wo Udu Re Who Ru Izihebro
    Odibọgba Uvie Mai—1997
  • Ma Gwọlọ—Iwuhrẹ Ebaibol Efa
    Odibọgba Uvie Mai—1998
Ruẹ Efa
Odibọgba Uvie Mai—2008
km 7/08 ẹwẹ. 4

Omaruẹrẹkpahe—U re Fi Obọ Họ K’omai Ru Izihebro Ziezi

1. Edhere vẹ a ti ro ru iruo usiuwoma ota na kẹre?

1 Jesu ọ roma totọ wuhrẹ ilele riẹ re a sae ta “usiuwoma uvie na” ziezi. (Mat. 4:23; 9:35) Jesu o wuhrẹ ilele riẹ evaọ ubrotọ Palestine. Rekọ taure o te ti mu vrẹ kpohọ odhiwu, Jesu ọ ta inọ a te ta usiuwoma na kẹre gaga re a sai ru ‘ilele eva erẹwho na kpobi.’—Mat. 28:19, 20.

2. Re a ru ilele wọhọ epanọ Jesu ọ kẹ ujaje na, eme o kẹre te?

2 Iruo yena e te kẹre te ezihebru ahwo nọ a dhesẹ isiuru kpahe emamọ usi Uvie Ọghẹnẹ gbe ewuhrẹ nọ ma re wuhrẹ ai re a koko eware kpobi nọ Kristi ọ ta. Re izihebro itieye na e sae wha emamọ iyẹrẹ ze, o gwọlọ nọ ma rẹ ruẹrẹ oma kpahe ziezi.

3. Ẹvẹ whọ sae rọ gbẹ edhere fihọ kẹ ozihebro, makọ evaọ iweze ọsosuọ?

3 Ma Omaa Haro: Iwhowho-uvie jọ a rẹ daoma nọ onọ fihotọ evaọ iweze ọsosuọ, a vẹ ya eyaa inọ a ti zihe oke ofa re a kẹ uyo onọ na. Inievo itieye na a ruẹ no inọ eme nọ a rẹ rehọ no obe ọ Ebaibol Wuhrẹ na ze evaọ oke ozihebro u fi obọ họ kẹ ae nọ a sae rọ to obe-uwuhrẹ Ebaibol họ.

4. Fikieme ma gbẹ hẹrẹ uvitha emagazini ekpokpọ taure ma te ti ru izihebro ho?

4 Nọ orọnọ uvitha Uwou-Eroro Na gbe Awake! ọvo ma be hai fihọ ada kamara kamara na, orọnikọ u dhesẹ nọ ma rẹ hẹrẹ bẹsenọ ma re wo uvitha ofa taure ma te ti zihe bru ahwo ho. O rẹ sae lọhọ re ma bọ isiuru ahwo ga ẹkwoma eware nọ e rrọ emagazini nọ a wo no nọ ma re ro lele ai tẹme.

5. Ẹvẹ ugogo ẹjiroro nọ ohwo o re wo u re ro fi obọ họ?

5 Wo Ugogo Ẹjiroro: Taure who te ti zihe, rehọ iminiti kakao kiẹ eware nọ who kere fihotọ re whọ riẹ oware nọ whọ gwọlọ le tobọ. Wọhọ oriruo, t’ẹme kpahe ugogo ẹme jọ nọ ọ rrọ obe nọ who fihọ ada kẹe na. Hayo kẹe obe ofa nọ o t’ẹme kpahe ẹme nọ wha ta evaọ iweze nọ i kpemu. Otẹrọnọ whọ nọ onọ jọ fihotọ evaọ iweze nọ e vrẹ, utee ra o rẹ jọ re whọ kuyo onọ na. Nọ whọ tẹ be tẹme kpahe ikere jọ nọ e ta kpahe ugogo ẹme jọ, daoma se oria Ebaibol yena.

6. Eme họ utee nọ ma bi ro ru izihebro?

6 Utee Mai: Evaọ uzẹme, utee mai họ re ma to obe-uwuhrẹ Ebaibol họ. Oniọvo jọ ọ jẹ gwọlọ to obe-uwuhrẹ Ebaibol họ kugbe ọzae jọ evaọ ozihebro, rekọ ọzae na ọ se. Ẹdẹfa oniọvo na ọ tẹ rehọ emagazini ọkpokpọ sei, jẹ ta inọ, “Oware nọ ma rọ fiki riẹ nyaze họ, ma be kẹ ahwo uyo onọ jọ nọ Ebaibol na o nọ.” Nọ ọ gaviezọ kẹ ọkpahefihọ ọzae na no, oniọvo na o te se ikere jọ gbe edhe-ẹme jọ nọ o kiekpahe ẹme na no obe nọ a re ro ru obe-uwuhrẹ Ebaibol ze. Oyena u su kpohọ obe-uwuhrẹ Ebaibol ikẹse kẹse.

7. Ẹvẹ oma nọ whọ be hae ruẹrẹhọ ziezi o sai ro fi obọ họ k’owhẹ to obe-uwuhrẹ Ebaibol họ no?

7 Oke nọ ma rẹ rehọ rọ ruẹrẹ oma kpahe kẹ izihebro yọ oware nọ u te eruo. Ma ti wo oghọghọ vi epaọ ọsosuọ, yọ ma te sai wo uvẹ-ọghọ nọ ma re ro fi obọ họ kẹ ohwo nọ o wo “eva ezi” ruọ edhere nọ o re su kpohọ uzuazọ.—Iruẹru 13:48.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa