Epanọ Ma Sai Ro Wo Onaa Ziezi Evaọ Usiuwoma Ota​—Nọ Enọ nọ E rẹ Lẹliẹ Ohwo Roro

OWARE NỌ U RO WUZOU: Otẹrọnọ “iroro nọ e rọ eva ohwo e wọhọ edidi ame,” kiyọ enọ e wọhọ usiame. (Itẹ 20:5) Enọ i re fiobọhọ nọ ohwo ọ rẹ rọ kpahe fihọ ẹme. Enọ nọ a nabe maa te ziezi o rẹ lẹliẹ ohwo na ta oware nọ o riẹe eva. Jesu ọ jẹ nọ enọ nọ e rẹ lẹliẹ ahwo roro ziezi. Ẹvẹ ma sae rọ rehọ aro kele ei?

EPANỌ A RE RO RU EI:

• Nọe enọ nọ e rẹ lẹliẹ ta iroro riẹ. Jesu ọ nọ ilele riẹ enọ buobu re ọ riẹ oware nọ a bi roro. (Mt 16:13-16; be 238 ¶3-5) Didi enọ whọ sae nọ ohwo nọ o rẹ lẹliẹ ta oware nọ o riẹe eva?

• Nọe enọ rọ kpọe họ. Re Jesu ọ kpọ iroro Pita vi, ọ nọ riẹ enọ nọ i fiobọhọ kẹe kuyo ogbagba na kẹ omariẹ. (Mt 17:24-26) Didi enọ whọ sae nọ ro fiobọhọ kẹ ohwo kuyo ogbagba kẹ omariẹ?

• Jiri ei. Nọ okere-obe jọ “ọ kpahe emamọ ẹme,” Jesu o te jiri ei. (Mak 12:34) Eme whọ sae ta ro jiri ohwo nọ ọ kẹ emamọ uyo?

WHA RRI ABỌ ỌSOSUỌ IVIDIO NA RU IRUO NỌ JESU O RU​—WUHRẸ AHWO, KẸSENA WHA VẸ KIYO ENỌ NANA:

• Fikieme ewuhrẹ nana ọ gbẹ sai te ohwo udu hu dede nọ ọ be ta eme na gbagba ze?

• Eme u gbe woma ha re mai ọvo ma fa otọ ẹme na ze?

WHA RRI ABỌ AVỌ IVẸ IVIDIO NA RU IRUO NỌ JESU O RU​—WUHRẸ AHWO, KẸSENA WHA VẸ KIYO ENỌ NANA:

• Oghẹrẹ vẹ oniọvo na o ro fiobọhọ kẹe wo otoriẹ ẹme na?

• Oware ofa vẹ oniọvo na o ru nọ ma sae rọ aro kele?