Epanọ Ma Sai Ro Wo Onaa Ziezi Evaọ Usi Uwoma Ota—Emamọ Ileta nọ A re Kere

OWARE NỌ U RO WUZOU: Obe Ahwo Kọrint ọsosuọ na o rrọ usu ileta 14 nọ Pọl o kere se ibe Ileleikristi riẹ rọ tuduhọ ae awọ. Ohwo nọ o bi kere ileta o wo uvẹ nọ ọ rẹ rọ romatotọ salọ emamọ eme nọ o re ro kere iei, yọ ọnọ a kere i rie se na o re sei unuẹse buobu. Ileta yọ emamọ edhere nọ a rẹ rọ ta usi uwoma kẹ imoni mai gbe ahwo nọ ma gbẹ riẹ oma. Ma rẹ sae jẹ rehọ ileta ta usi uwoma kẹ ahwo nọ ma sae nya te oma ha. Wọhọ oriruo, usi uwoma mai o sae were ohwo jọ, rekọ a rẹ kaki di ei họ uwou hu. Ẹsejọ ma sae nyate ahwo jọ nọ a rrọ ẹkwotọ mai oma ha fikinọ a be rria ikpiwou ilogbo nọ a di ogba wariẹ họ hayo iwou nọ a bi roro nọ a fi igeti ilogbo họ gbe enọ i thabọ gaga nọ eye ọvo e rrọ oria. Eware jọ vẹ ma rẹ kareghẹhọ, maero nọ ma te bi kere ileta se ọrara?

EPANỌ A RE RO RU EI:

• 

  Kere eme evona nọ whọ hae te ta kẹe o hae jọ nọ who di rie họ. Jọ obọ emuhọ ileta na dhesẹ oma kẹe, jẹ ta oware nọ o lẹliẹ owhẹ bi kere ileta na. U te je owhẹ whọ sae nọe onọ nọ o re roro kpahe, je dhesẹ oria itanẹte mai kẹe. Kẹsena whọ vẹ vuẹe kpahe Online Bible Study Lessons, epanọ ma re ro wuhrẹ Ebaibol kugbe ahwo, hayo ta kpahe izoẹme jọ evaọ ebe mai jọ nọ ma re ro wuhrẹ ahwo. Whọ sai fi ebe jọ wọhọ ekade jw.org, ebe uzizie, hayo emebe-evẹvẹ jọ kugbe ileta na

• Jọ Ileta na e jọ kpẹkpẹe. Who te kere eme bu hrọ, ohwo na o ti wo oke nọ o ti ro sei re he.​—Rri ileta oriruo

• Romatotọ sei ziezi re whọ ruẹ nọ who kere ẹme ọvo thọ họ. Daoma ruẹ nọ eme na e rrọ vevẹ, jẹ ruẹ nọ eme ra e rẹ jọ wowolẹ, kpatiẹ, jẹ rrọ wowoma. Fi estampo unuigho nọ o re te fihọ iẹe.