Daoma Kpohọ Isukulu Ukoko na Jọ

OWARE NỌ U RO WUZOU: Jihova nọ ọ rrọ owuhrẹ nọ ọ mai kpehru na ọye o wo ewuhrẹ nọ ọ mai woma kpaobọ. O bi wuhrẹ omai epanọ ma sai ro yeri emamọ uzuazọ, jẹ be ruẹrẹ omai kpahe kẹ emamọ uzuazọ nọ ọ te rọ kẹ ahwo ọvọvẹ evaọ obaro na! (Aiz 11:6-9; 30:20, 21; Ev 22:17) Jihova ọ be jẹ rehọ isukulu ukoko na wuhrẹ omai epanọ ma sai ro whowho ovuẹ nọ o rẹ kẹ uzuazọ na kẹ ahwo.​—2Kọ 3:5.

EPANỌ A RE RO RU EI:

• Daoma jọ wowou je dhesẹ omaurokpotọ.​—Ol 25:8, 9

• Daoma jẹ ewuhrẹ nọ Jihova o bi wuhrẹ owhẹ na rehọ, ẹkwoma oma nọ whọ rẹ rọ kẹ eme nọ a rẹ jọ isukulu na ru evaọ ewuhrẹ udevie oka na

• Daoma fi itee họ kẹ omara evaọ egagọ Jihova.​—Fil 3:13

• Daoma siobọno eware jọ re Jihova ọ sai gbe wuhrẹ owhẹ ziezi evaọ egagọ riẹ.​—Fil 3:8

WHA RRI IVIDIO NA EWUHRẸ NỌ JIHOVA Ọ BE KẸ AHWO U BI RU AI FE KẸSENA WHA VẸ KIYO ENỌ NANA:

• Ebẹbẹ sa-sa vẹ iwhowho uvie jọ a fi kparobọ no re a sai kpohọ Isukulu Rọkẹ Etausiuwoma Uvie Na?

• Eware vẹ jọ whọ rẹ sae jọ Isukulu Rọkẹ Etausiuwoma Uvie Na wuhrẹ?

• Oghẹrẹ vẹ inievo ukoko na a sai ro fiobọhọ kẹ ohwo nọ o nwrotọ no isukulu na ze nọ a vi kpohọ ukoko rai?

• Eme ohwo o re ru re ọ sai te kẹ Isukulu Rọkẹ Etausiuwoma Uvie Na? (kr 189)

• Ewuhrẹ ọfa vẹ whọ rẹ sae daoma jọ ukoko Jihova nya?