Ẹvẹ Who Rri Ẹme Ọghẹnẹ Ghare Te?

Iroro Ọghẹnẹ gbe eme riẹ eye e rrọ Ebaibol na, keme ọye Họ Ọnọ O Wo rie. (2Pi 1:20, 21) Nọ orọnọ Ebaibol na ọ ta kpahe epanọ Uvie na o te rọ kpare esuo Ọghẹnẹ kpehru na, u dhesẹ nọ kẹle na eware i ti woma kẹ ahwo-akpọ evaọ obaro. Ebaibol na ọ tẹ jẹ ta kpahe emamọ iruemu nọ Jihova Ọsẹ obọ odhiwu mai na o wo.​—Ol 86:15.

U wo ẹjiroro sa-sa nọ Ẹme Ọghẹnẹ ọ rẹ rọ were omai kpobi. Kọ ma bi dhesẹ nọ okẹ oghaghae nana o da omai ẹro fia ẹkwoma ese nọ ma re sei kẹdẹ kẹdẹ, je fi eware nọ ma bi wuhrẹ na họ iruo evaọ uzuazọ mai? Joma rehọ uruemu mai dhesẹ nọ ma rri ẹme Ọghẹnẹ ghaghae wọhọ epanọ ọso-ilezi na o rri rie na, nọ ọ ta nọ: “Uzi ra o were omẹ kẹhẹ!”​—Ol 119:97.

WHA RRI IVIDIO NA A RRI EBAIBOL NA GHAGHAE​—ODHESẸVIA ỌKPẸKPẸ ỌRỌ IVIDIO (WILLIAM TYNDALE), KẸSENA WHA VẸ KIYO ENỌ NANA:

• 

  Fikieme William Tyndale ọ rọ fa abọjọ Ebaibol na?

• Fikieme omodawọ nọ ọ rọ fa Ebaibol na o rọ rrọ oware nọ o viodẹ?

• Oghẹrẹ vẹ a rọ whariẹ ewẹ-ebe Ebaibol nọ Tyndale ọ fa na ruọ orẹwho England?

• Ẹvẹ mai omomọvo ma sai ro dhesẹ nọ ma rri Ẹme Ọghẹnẹ ghaghae?