WO ONAA ZIEZI EVAỌ USI UWOMA OTA NA | WO OGHỌGHỌ ZIEZI EVAỌ USI UWOMA OTA NA
Rọ Etadhesẹ Ru Igogo Eme Vẹ
Nọ ma te kpohọ ozihebro hayo nọ ma te bi ru obe-uwuhrẹ Ebaibol, u fo nọ ma fiobọhọ kẹ ahwo nọ ma bi wuhrẹ na re a wo otoriẹ ugogo oware nọ ma bi wuhrẹ ai na. Nọ ma tẹ be rehọ etadhesẹ ru igogo eme na vẹ, oware nọ ma bi wuhrẹ ai na u ti te ae udu yọ u ti je ru ei lọhọ re a kareghẹhọ ugogo oware nọ ma wuhrẹ i rai na.
Nọ whọ tẹ be ruẹrẹ oma kpahe kẹ ozihebro hayo obe-uwuhrẹ Ebaibol, salọ igogo eme nọ whọ te rehọ etadhesẹ ru vẹ, orọnikọ eme kpobi nọ e rrọ edhe-ẹme na who re ru vẹ hẹ. Kẹsena whọ vẹ salọ etadhesẹ nọ a rẹ sai wo otoriẹ rai lọlọhọ. (Mt 5:14-16; Mak 2:21; Luk 14:7-11) Roro kpahe oghẹrẹ uzuazọ nọ ohwo nọ ọ be gaviezọ kẹ owhẹ na o yeri no otọ ze gbe oghẹrẹ iruo nọ o bi ru. (Luk 5:2-11; Jọ 4:7-15) Nọ whọ tẹ ruẹ oghẹrẹ nọ eva e were riẹ te fikinọ o wo otoriẹ ugogo oware nọ who wuhrẹ i rie na, who ti wo oghọghọ re.
WHA RRI IVIDIO NA WO OGHỌGHỌ NỌ U RE NO ILELE-IRUO ZE—RU ONAA EWUHRẸ RA WOMA VIERE—REHỌ ETADHESẸ RU IGOGO EME VẸ, KẸSENA WHA VẸ KIYO ENỌ NANA:
Fikieme o rọ gwọlọ nọ a re fiobọhọ kẹ emọ-uwuhrẹ Ebaibol re a sai wo otoriẹ eria Ebaibol jọ?
Oghẹrẹ vẹ Neeta ọ rọ rehọ ọtadhesẹ ru ẹme nọ ọ rrọ Ahwo Rom 5:12 na vẹ?
Emamọ etadhesẹ i re duobọte ohwo udu
Ẹvẹ emamọ etadhesẹ e sai ro fiobọhọ kẹ ahwo nọ a be gaviezọ kẹ omai?
Fikieme u ro fo re ma hae rehọ ividio gbe eware efa nọ ukoko Jihova u ru no ruiruo ziezi evaọ usi uwoma ota mai?