Jẹ Obufihọ Jihova Rehọ Ẹkwoma Olẹ

Jihova họ ọnọ o re ru ibi uzẹme nọ ma kọ fihọ udu ahwo dowọ mu otọ jẹ rro. (1Kọ 3:6-9) Fikiere, re ma sai ru iruo odibọgba mai gba ziezi, ma rẹ rẹroso Jihova re o fiobọhọ kẹ omai gbe emọ-uwuhrẹ Ebaibol mai.

Lẹ se Jihova re o fiobọhọ kẹ emọ-uwuhrẹ Ebaibol ra re a sai mugba kẹ edawọ je fi ai kparobọ. (Fil 1:9, 10) Vuẹ Jihova ugogo oware nọ whọ gwọlọ nọ o ru kẹ owhẹ na. Lẹ sei re ọ kẹ owhẹ ẹzi ọfuafo riẹ re ọ kpọ iroro ra gbe eware nọ who bi ru. (Luk 11:13) Wuhrẹ emọ-uwuhrẹ Ebaibol ra epanọ a rẹ lẹ, whọ vẹ jẹ tuduhọ ae awọ re a hae lẹ. Nọ whọ tẹ be hae lẹ kugbe ae hayo lẹ roro ae, hae fodẹ edẹ rai.

WHA RRI IVIDIO ODHESẸVIA NA WO OGHỌGHỌ NỌ U RE NO ILELE-IRUO ZE​—JẸ OBUFIHỌ JIHOVA REHỌ​—OLẸ, KẸSENA WHA VẸ KIYO ENỌ NANA:

• Ẹbẹbẹ jọ vẹ Neeta ọ rẹriẹ ovao ku nọ o je wuhrẹ Ebaibol kugbe Jade na?

• Oghẹrẹ vẹ eme nọ e rrọ obe 1 Ahwo Kọrint 3:6 i ro fiobọhọ kẹ Neeta?

• Ẹvẹ ẹbẹbẹ nọ Neeta o wo na o ro kuhọ?