WO ONAA ZIEZI EVAỌ USI UWOMA OTA NA | WO OGHỌGHỌ ZIEZI EVAỌ USI UWOMA OTA NA
Ta Eme nọ I re Duobọte Ohwo Udu
Re ohwo ọ sai yoẹme kẹ Ọghẹnẹ, obọ udu na u re no ze. (Itẹ 3:1) Fikiere, nọ ma te bi wuhrẹ Ebaibol na kugbe ohwo, ma rẹ daoma re ma ta eme nọ i re duobọte ohwo na udu. Ẹvẹ ma sai ro ru ei?
Orọnikọ uzẹme nọ o rrọ Ebaibol na ọvo ma re wuhrẹ ọmọ-uwuhrẹ Ebaibol mai hi, ma re je fiobọhọ kẹe ruẹ epanọ eware nọ o bi wuhrẹ na i ro kpomahọ uzuazọ riẹ gbe usu riẹ kugbe Jihova. Fiobọhọ kẹe re ọ ruẹ epanọ izi nọ e rrọ Ebaibol na i ro dhesẹ uyoyou, ewoma, gbe ẹrẹreokie Ọghẹnẹ via. Rọ areghẹ nọe enọ re ọ ta kpahe epanọ eware nọ o bi wuhrẹ na e riẹe oma. Fiobọhọ kẹe re o roro kpahe irere nọ o ti wo nọ o te siobọno ekpehre uruemu jọ. Nọ whọ tẹ ruẹ nọ ọmọ-uwuhrẹ Ebaibol ra o you Jihova no udu ze, who ti wo oghọghọ ziezi.
WHA RRI IVIDIO ODHESẸVIA NA WO OGHỌGHỌ NỌ U RE NO ILELE-IRUO ZE—RU ONAA EWUHRẸ RA WOMA VIERE—TA EME NỌ I RE TE OHWO UDU, KẸSENA WHA VẸ KIYO ENỌ NANA:
Fikieme Neeta ọ rọ nọ Jade nọ: “Kọ who roro kpahe oware nọ ma wuhrẹ Ẹdọvo-Oka na?”
Oghẹrẹ vẹ Neeta o ro fiobọhọ kẹ Jade ruẹ epanọ izi Ebaibol i ro dhesẹ nọ Jihova o you rie?
Nọ ma tẹ be hae ta eme nọ i re duobọte ọmọ-uwuhrẹ Ebaibol mai udu, u ti fiobọhọ kẹe wo ẹnyaharo ziezi
Oghẹrẹ vẹ Neeta o ro fiobọhọ kẹ Jade roro kpahe oghẹrẹ nọ ọ sai ro dhesẹ nọ o you Ọghẹnẹ?