WO ONAA ZIEZI EVAỌ USI UWOMA OTA NA | WO OGHỌGHỌ ZIEZI EVAỌ USI UWOMA OTA NA
Fiobọhọ kẹ Emọ-Uwuhrẹ Ebaibol re A Siobọno Iruemu Etọtọ
Ahwo nọ uruemu rai o rrọ fuafo ọvo a rẹ sai wo usu okpekpe kugbe Jihova. (1Pi 1:14-16) Nọ emọ-uwuhrẹ Ebaibol a te siobọno ekpehre iruemu, ẹsiẹe a te mai ro wo evawere evaọ uviuwou rai, wo omakpokpọ, jẹ sai koko ugho.
Dhesẹ izi Jihova gbe iruemu nọ Jihova o mukpahe kẹ ae vevẹ, fiobọhọ kẹ ae riẹ ẹjiroro nọ Jihova o ro fi izi na họ, gbe irere nọ i re te omai nọ ma te koko izi riẹ. Fiobọhọ kẹ emọ-uwuhrẹ Ebaibol ra nwene ekpehre iroro nọ a wo, nọ a te ru ere, uruemu rai u ti nwene re. (Ẹf 4:22-24) Kẹ ae imuẹro inọ avọ obufihọ Jihova, a rẹ sai siobọno ekpehre uruemu nọ o make reria ae obọ no. (Fil 4:13) Wuhrẹ ai re a hae lẹ se Jihova nọ oma o tẹ be wọ ae re a raha uzi. Fiobọhọ kẹ ai vuhu jẹ whaha iyero sa-sa nọ e rẹ sai ru ei bẹbe kẹ ai re a ru oware uwoma. Tuduhọ ai awọ re a rehọ emamọ iruemu nwene ekpehre iruemu. Ma re wo evawere nọ ma tẹ ruẹ nọ Jihova o fiobọhọ kẹ emọ-uwuhrẹ mai siobọno ekpehrẹ iruemu nọ a wo.
WHA RRI IVIDIO ODHESẸVIA NA FIOBỌHỌ KẸ EMỌ-UWUHRẸ EBAIBOL RA RE A SIOBỌNO IRUEMU ETỌTỌ, KẸSENA WHA VẸ KIYO ENỌ NANA:
Oghẹrẹ vẹ ekpako na gbe Neeta a ro dhesẹ nọ a fievahọ Jade?
Eme ọfa Neeta o ru ro fiobọho kẹ Jade?
Eme Jade o ru re Jihova ọ sai fiobọhọ kẹe?