Fiobọhọ kẹ Emọ-Uwuhrẹ Ebaibol re A Wo Usu Okpekpe kugbe Jihova

Jihova ọ gwọlọ nọ ma gọe fiki uyoyou nọ ma wo kẹe. (Mt 22:37, 38) Uyoyou nọ emọ-uwuhrẹ Ebaibol a re wo kẹ Jihova, oye u re fiobọhọ kẹ ai ru inwene je mugba kẹ edawọ. (1Jọ 5:3) Uyoyou yena ovona oye o rẹ wọ ae rọ omarai mudhe kẹe jẹ họ-ame.

Fiobọhọ kẹ emọ-uwuhrẹ Ebaibol ra re a ruẹ nọ Jihova o gine you rai. Whọ sae nọ ae enọ wọhọ: “Eme onana u wuhrẹ owhẹ kpahe Jihova?” hayo “Ẹvẹ onana u ro dhesẹ nọ Jihova o you owhẹ?” Fiobọhọ kẹ ae re a ruẹ oghẹrẹ nọ Jihova o bi ro fiobọhọ kẹ ae evaọ uzuazọ rai. (2Ir 16:9) Kẹ ai iriruo oghẹrẹ nọ Jihova ọ rọ kiyo elẹ ra jọ no, jẹ tuduhọ ae awọ re a hai muẹrohọ oghẹrẹ nọ Jihova ọ be rọ kiyo elẹ rai re. Ma re wo oghọghọ ziezi nọ emọ-uwuhrẹ Ebaibol mai a te wo usu okpekpe kugbe Jihova je bi wo ẹnyaharo ziezi evaọ egagọ riẹ.

WHA RRI IVIDIO ODHESẸVIA NA FIOBỌHỌ KẸ EMỌ-UWUHRẸ EBAIBOL RA RE A WO USU OKPEKPE KUGBE JIHOVA, KẸSENA WHA VẸ KIYO ENỌ NANA:

• 

  Ẹbẹbẹ jọ vẹ Jade ọ rẹriẹ ovao dhe?

• 

  Oghẹrẹ vẹ Neeta o ro fiobọhọ kẹ Jade?

• 

  Oghẹrẹ vẹ Jade o ro fi ẹbẹbẹ na kparobọ?