Rọ Ekwakwa nọ Ma re ro Ru Ekiakiẹ Ruiruo

Jihova ọ kẹ omai ekwakwa nọ i re fiobọhọ kẹ omai wuhrẹ ahwo ziezi, eware wọhọ, ividio, emebe-evẹvẹ, emagazini, ibroshọ, ebe, gbe Ebaibol na, onọ o rrọ ugogo obe nọ ma bi ro wuhrẹ ahwo. (2Ti 3:16) Ọ tẹ jẹ kẹ omai ekwakwa nọ ma re ro ru ekiakiẹ, enọ i re fiobọhọ kẹ omai wo otoriẹ eria Ebaibol je ru ai vẹ kẹ amọfa. Eware nana jọ nọ ma re ro ru ekiakiẹ họ Watchtower Library, JW Library^®, Watchtower ONLINE LIBRARY™, gbe Obe Ekiakiẹ Rọkẹ Isẹri Jihova.

Nọ whọ tẹ be hae rehọ ekwakwa nọ ma re ro ru ekiakiẹ nọ who wo ru ekiakiẹ evaọ Ebaibol na, who ti wo oghọghọ ziezi. Wuhrẹ emọ-uwuhrẹ Ebaibol ra re a riẹ oghẹrẹ nọ a sae rọ rehọ ekwakwa nana ro ru ekiakiẹ re. Onana u ti ru nọ a ti ro wo oghọghọ re nọ ae ọvo a tẹ be ruẹ iyo enọ nọ a wo kpahe Ebaibol na.

WHA RRI IVIDIO ODHESẸVIA NA WO OGHỌGHỌ NỌ U RE NO ILELE-IRUO ZE​—JẸ OBUFIHỌ JIHOVA REHỌ​—RỌ EKWAKWA NỌ MA RE RO RU EKIAKIẸ RUIRUO, KẸSENA WHA VẸ KIYO ENỌ NANA:

• 

  Didi avro Jade o wo kpahe emama?

• 

  Diẹse Neeta ọ jọ ruẹ uzoẹme nọ o ta kpahe ẹme yena?

• 

  Oghẹrẹ vẹ ọ rọ salọ uzoẹme nọ o te mai fiobọhọ kẹ Jade?

• Irere vẹ Neeta o wo fikinọ ọ rehọ ekwakwa nọ ma re ro ru ekiakiẹ na ru ekiakiẹ?