Hae Kareghẹhọ Jihova Ẹsikpobi

Nọ ma gbẹ be ruẹ iruo nọ ma re ru rọ rẹrote uviuwou mai hi, o sae jọ bẹbẹ re ma rehọ Uvie Ọghẹnẹ gbe ẹrẹreokie riẹ karo evaọ uzuazọ mai. Fiki onana, ma sae gwọlọ rehọ oghẹrẹ iruo nọ i re ru ei bẹbẹ kẹ omai re ma gọ Jihova hayo iruo nọ e rọwokugbe izi Ebaibol ho. Rekọ u mu omai ẹro nọ Jihova ọ te rọ ẹgba riẹ fiobọhọ kẹ “ahwo nọ a rehọ udu rai kpobi kẹe.” (2Ir 16:9) Oware ovo o riẹ hẹ nọ o rẹ whaha Ọsẹ oyoyou mai na re o fiobọhọ kẹ omai jẹ kẹ omai eware nọ ma gwọlọ. (Rom 8:32) Fikiere, nọ ma tẹ gwọlọ salọ oghẹrẹ iruo nọ ma re ru, joma fievahọ Jihova jẹ rọ egagọ riẹ karo evaọ uzuazọ mai.​—Ol 16:8.

WHA RRI IVIDIO ODHESẸVIA NA REHỌ UZUAZỌ RA KPOBI RUIRUO KẸ JIHOVA, KẸSENA WHA VẸ KIYO ENỌ NANA:

• 

  Fikieme Jason o gbe ro mi ugho nọ a jẹ rọ jẹ udi kẹe na ha?

• 

  Oghẹrẹ vẹ ẹme nọ ọ rrọ Ahwo Kọlọsi 3:23 na u ro kiekpahe omai?

• 

  Ẹvẹ emamọ uruemu Jason u ro fiobọhọ kẹ Thomas?

• 

  Oghẹrẹ vẹ ẹme nọ ọ rrọ Matiu 6:22 na u ro kiekpahe omai?