Ẹvẹ Inievo-Emetẹ A Sai Gbe ro Wobọ Ziezi Evaọ Egagọ Jihova?

Inievo-emetẹ na a bi wobọ ziezi evaọ iruo Uvie na. (Ol 68:11) A bi wuhrẹ Ebaibol na kugbe ahwo buobu, yọ ibuobu rai e rrọ iruo ọkobaro oke-kpobi na. Efa e rrọ Ebẹtẹle bi ru iruo, iruo imishọnare, iruo ebabọ, gbe iruo efafa. Yọ inievo-emetẹ nọ e kpako no a bi fiobọhọ kẹ ahwo iviuwou gbe ikoko rai re a kru ga ziezi evaọ ukoko na. (Itẹ 14:1) Dede nọ inievo-emetẹ a sae jọ ekpako ukoko hayo idibo iruiruo ho, a sai fi itee họ nọ a re le evaọ ukoko na ghele. Otẹrọnọ whẹ yọ oniọvo-ọmọtẹ, itee jọ vẹ whọ sai fihọ re who gbe wobọ ziezi evaọ egagọ Jihova?

• Daoma wo emamọ iruemu Oleleikristi.​—1Ti 3:11; 1Pi 3:3-6

• Fiobọhọ kẹ inievo-emetẹ efa nọ e rrọ ukoko na.​—Tai 2:3-5

• Ru onaa usi uwoma ota ra woma viere je fiba oke nọ whọ be rọ ta usi uwoma

• Wuhrẹ ẹvẹrẹ ọfa

• Kwa kpohọ oria nọ ẹgwọlọ ọ mae rrọ

• Fi obe họ kẹ iruo Ebẹtẹle hayo iruo ebabọ

• Fi obe họ kẹ Isukulu Rọkẹ Etausiuwoma Uvie Na

WHA RRI IVIDIO NA “EYAE NỌ I BI RU IRUO GAGA EVAỌ OLORI NA,” KẸSENA WHA VẸ KUYO ONỌ NANA:

• Oghẹrẹ vẹ eme nọ inievo-emetẹ esa na a ta e rọ tuduhọ owhẹ awọ?