UZUAZỌ OLELEIKRISTI
Rri Omara Oghẹrẹ nọ Jihova O bi Rri Owhẹ
“Ahwo Jihova a rẹ were iẹe.” (Ol 149:4) Dede nọ ma gba ha, Jihova ọ be ruẹ emamọ iruemu nọ ma wo gbe emamọ iruemu nọ ma ti wo nọ oke o be nyaharo na. Rekọ ẹsejọ, o rẹ sae jọ bẹbẹ kẹ omai re ma ruẹ emamọ iruemu nọ ma wo. Ma sai rri omamai inọ ma woma te amọfa ha fiki oghẹrẹ nọ ahwo a re ru omai. Hayo otẹrọnọ eware jọ e thọ omai obọ evaọ oke nọ u kpemu nọ ma be hae kareghẹhọ, ma sae vro sọ Jihova o gbe gine you omai. Eme ọ rẹ sai fiobọhọ kẹ omai nọ ma te bi rri omamai ere?
Kareghẹhọ nọ Jihova ọ rẹ ruẹ eware nọ ahwo-akpọ a rẹ tubẹ ruẹ hẹ. (1Sa 16:7) Onana u dhesẹ nọ ọ rẹ ruẹ emamọ iruemu nọ ma be tubẹ jọ omamai ruẹ hẹ. Eva e be were omai kẹhẹ inọ Ebaibol na o bi fiobọhọ kẹ omai riẹ oghẹrẹ nọ Jihova o rri omai! Ma rẹ ruẹ onana vevẹ nọ ma tẹ jọ Ebaibol se eria nọ i dhesẹ oghẹrẹ nọ Jihova o you idibo riẹ te.
WHA RRI IVIDIO NA JỌ ARO JIHOVA TẸZẸ UDU RA, KẸSENA WHA VẸ KIYO ENỌ NANA:
Eme ọtadhesẹ ọmọzae nọ ọ jẹ dhẹ ohrẹ na avọ ọsẹ riẹ u wuhrẹ omai kpahe oghẹrẹ nọ Jihova o rri omai?
Otẹrọnọ ohwo nọ ọ raha uzi ulogbo o ru oware nọ u fo nọ o re ru re usu riẹ avọ Jihova o wariẹ kpekpe ziezi no, ẹvẹ o sai ro mu ei ẹro nọ Jihova ọ rọvrẹ riẹ no?—1Jọ 3:19, 20
Nọ oniọvo na o se iku Devidi avọ Jehoshafat je roro didi kpahe ae, ẹvẹ onana u ro fiobọhọ kẹe?