Ma Sae Whaha Omukpahọ!

Otẹrọnọ a ri mukpahe owhẹ hẹ, ẹsejọhọ whọ ruẹ ahwo nọ a mukpahe no. A rẹ jọ iyẹrẹ ta kpahe ahwo nọ a mukpahe ahwo erẹwho efa, gbe ahwo nọ a mukpahe amọfa fiki ovioma rai hayo egagọ nọ a rrọ. Fiki onana, egọmeti erẹwho buobu a bi fi izi họ nọ a sae rọ kẹ ohwo uye nọ ọ tẹ thọ uzi fiki omukpahọ.

Ẹsibuobu ahwo nọ a mukpahe a re mukpahe amọfa. Yọ amọfa nọ a mukpahe na a re mukpahe amọfa re, kọ ere omukpahọ o re ro vihọ.

Ẹsejọhọ whọ rẹriẹ ovao dhe omohẹriẹ, ẹkoko, gbe ekela no, hayo a seha kẹ owhẹ jẹ raha odẹ ra no. Rekọ ẹsibuobu omukpahọ o rẹ wha eware iyoma efa ze wọhọ, ozighi, omonwa, ọraha, ohọre, ọgbaduo, ohwo-okpe, hayo ikpakpe utu ahwo.

Ma te jọ emagazini nana ta kpahe epanọ ma sae rọ whaha omukpahọ jẹ kiyo enọ nana:

• Fikieme omukpahọ o rọ da oria kpobi fia?

• Ẹvẹ ma sae rọ whaha omukpahọ?

• Kọ omukpahọ o ti kuhọ ẹdẹ jọ?