Eware nọ Whọ Sai ro Ru Uwuhrẹ Omobọ Ra Hayo Egagọ Uviuwou

Ma be hai kuomagbe inievo mai gọ Jihova nọ ma te kpohọ ewuhrẹ, ikokohọ esese gbe ilogbo. Rekọ mai ọvo ma be hae jọ obọ uwou wuhrẹ ẹme Ọghẹnẹ kẹ omamai re. Yọ ma re je kuomagbe uviuwou mai ru egagọ uviuwou. Joma ta kpahe eware jọ nọ whọ sai wuhrẹ:

• Ruẹrẹ oma kpahe kẹ ewuhrẹ. Wha sai wuhrẹ ile nọ a te so evaọ ewuhrẹ na. Wha ve je ru re ohwo kpobi evaọ uwou na ọ ruẹrẹ uyo jọ kpahe nọ ọ te kẹ.

• Se iku jọ evaọ Ebaibol. U je ru no, whọ vẹ drọ uwoho eware jọ nọ e via evaọ iku na. Whọ sai je kere eware jọ nọ whọ jọ iku na wuhrẹ fihotọ.

• Romatotọ se olẹ jọ nọ a kere fihọ Ebaibol. Who ve roro kpahe epanọ whọ sai ro ru re olẹ ra u woma vi epaọ ọsosuọ.

• Rri ividio ukoko na jọ. Who ve kere oware nọ who wuhrẹ noi ze fihotọ. Whọ sae jẹ vuẹ amọfa oware nọ whọ jariẹ wuhrẹ.

• Ruẹrẹ oma kpahe kẹ usi uwoma. Wha sai ru ei wọhọ ẹsenọ wha ginẹ rrọ usi uwoma.

• Romatotọ rri oware jọ nọ Ọghẹnẹ ọ ma. Wha vẹ ta oware nọ wha jariẹ wuhrẹ kpahe Jihova.a