Ahwo nọ A be Gọ Ọghẹnẹ Ziezi A re Ru Eyaa Rai Gba

Se Ibruoziẹ 11:30-40 re whọ ruẹ iku epanọ Jẹfta avọ ọmọtẹ riẹ a ro ru eyaa nọ a ya kẹ Ọghẹnẹ gba, who ve wuhrẹ oware jọ noi ze.

Kiẹ eware efa kpahe iku na. Ẹvẹ ahwo Izrẹl nọ a jẹ gọ Ọghẹnẹ ziezi a jẹ hai rri eyaa nọ a ya kẹ Jihova? (Ik. 30:2) Eme Jẹfta avọ ọmọtẹ riẹ a ru nọ u dhesẹ nọ a fi ẹrọwọ họ Jihova?—Ibr. 11:9-11, 19-24, 36.

Gbẹ kiẹ iku na ziezi. Nọ Jẹfta ọ ya eyaa kẹ Jihova inọ ọ te rehọ oware nọ o kaki no uwou riẹ ze rọ kẹ Jihova na, eme o wọhọ nọ ọ jẹ ta kpahe na? (w16.04 5-6 ¶12) Eme Jẹfta avọ ọmọtẹ riẹ a kpairoro vrẹ re a sai ru eyaa riẹ na gba? (w16.04 6-7 ¶14-16) Eyaa vẹ Ileleikristi a sae ya nẹnẹ?—w17.04 5-8 ¶10-19.

Wuhrẹ oware jọ no iku na ze. Nọ omara nọ:

• ‘Eme o sai fiobọhọ kẹ omẹ nọ me re ro ru eyaa nọ mẹ ya inọ Jihova mẹ rẹ gọ na gba?’ (w20.03 13 ¶20)

• ‘Eware jọ vẹ mẹ sae kpairoro vrẹ re mẹ sai ru eware efa kẹ Jihova?’

• ‘Eme me re ru re o jọ omẹ oja gaga inọ mẹ rẹ nyasiọ ọzae hayo aye mẹ ba ha wọhọ epanọ mẹ ya eyaa inọ me ti ru?’ (Mat. 19:5, 6; Ẹf. 5:28-33)