UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • wp25 Ọrọ 1 ẹwẹ. 14-15
  • Udu O Sai Te Owhẹ Otọ Ghelọ Ẹmo gbe Ozighi

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Udu O Sai Te Owhẹ Otọ Ghelọ Ẹmo gbe Ozighi
  • Uwou-Eroro Na Nọ U Bi Whowho Uvie Jihova (Ẹgbede)—2025
  • Onọ O Wọhọ E Riẹ
  • Eware Imuozọ E rẹ Via Evaọ Etoke Ẹmo
    Uwou-Eroro Na Nọ U Bi Whowho Uvie Jihova (Ẹgbede)—2025
  • Eme Ebaibol na Ọ Ta?
    Uwou-Eroro Na Nọ U Bi Whowho Uvie Jihova (Ẹgbede)—2017
  • Gwọlọ Udhedhẹ Uzẹme Je Lei!
    Uwou-Eroro Na Nọ U Bi Whowho Uvie Jihova—1997
  • Ẹvẹ Uye nọ Whọ be Ruẹ O Rrọ Ọghẹnẹ Oma?
    Uwou-Eroro Na Nọ U Bi Whowho Uvie Jihova (Ẹgbede)—2018
Ruẹ Efa
Uwou-Eroro Na Nọ U Bi Whowho Uvie Jihova (Ẹgbede)—2025
wp25 Ọrọ 1 ẹwẹ. 14-15
Ọkpọkuọzae jọ nọ o bru abọ evaọ ẹmo ọ keria akaba-ọmo. Avọ ahwo uviuwou riẹ a be re emu evaọ etegu yọ eva e be were ae.

Udu O Sai Te Owhẹ Otọ Ghelọ Ẹmo gbe Ozighi

Gary nọ ọ jọ iruo isoja vẹre ọ ta nọ: “Taure me te ti mu Ebaibol na họ ewuhrẹ, mẹ riẹ oware nọ o wha riẹ ze nọ evega, okienyẹ, gbe ebẹbẹ e rọ da akpọ na fia ha. Rekọ obọnana udu u te omẹ otọ no. Mẹ riẹ nọ Jihova Ọghẹnẹ o ti ru nọ ufuoma o te rọ jọ akpọ na.”

Orọnikọ Gary ọvo o wo ẹruore nana ha. Joma ta kpahe oghẹrẹ nọ Ebaibol na o ro fiobọhọ kẹ amọfa no.

EBAIBOL NA Ọ TA NỌ: “Who woma, O Jihova, yọ whọ ruẹrẹ oma kpahe re whọ rọvrẹ.”—Olezi 86:5.

EPANỌ ONANA U RE RO FIOBỌHỌ: “Oria Ebaibol nana o lẹliẹ omẹ ruẹ nọ Jihova o wo ohrọ-oriọ. Mẹ riẹ nọ eware iyoma kpobi nọ me ru oke nọ me je ro fi ẹmo na, ọ te rehọ ae vrẹ omẹ.”—Wilmar, Colombia.

EBAIBOL NA Ọ TA NỌ: “Mẹ be ma idhiwu ekpokpọ gbe otọakpọ ọkpokpọ; a gbẹ te kareghẹhọ eware anwae na ha, yọ e te gbẹ ruọ udu na gbe he.”—Aizaya 65:17.

EPANỌ ONANA U RE RO FIOBỌHỌ: “Fiki eware nọ mẹ rọ ẹro ruẹ evaọ oke nọ mẹ jọ iruo isoja, idhọvẹ gbe ọkora ọgaga e rrọ omẹ oma. Rekọ oria Ebaibol nana o fiobọhọ kẹ omẹ ruẹ nọ kẹle na Jihova o ti si eware iyoma nana nọ e rrọ omẹ iroro na kpobi no. Mẹ gbẹ te kareghẹhọ ae ofa ha. U ti woma kẹhẹ!”—Zafirah, United States.

EBAIBOL NA Ọ TA NỌ: “Evaọ oke riẹ, ikiẹrẹe na e te gbọ bọbọbọ, yọ udhedhẹ o te dafia bẹsenọ ọvẹre na ọ gbẹ te jọ họ.”—Olezi 72:7.

EPANỌ ONANA U RE RO FIOBỌHỌ: “Me re roro kpahe oria Ebaibol yena gaga. Kẹle na, ẹmo gbe eware iyoma kpobi nọ o re si lele oma i ti notọ, yọ ma gbẹ te ruawa kpahe ahwo uviuwou mai gbe egbẹnyusu mai hi inọ oware jọ o te via kẹ ae.”—Oleksandra, Ukraine.

EBAIBOL NA Ọ TA NỌ: “Ahwo ra nọ a whu no a te ziọ uzuazọ. . . . Wha rọwo ze re wha bo ubo oghọghọ, whai enọ e be rria evaọ ẹkpẹ na!”—Aizaya 26:19.

EPANỌ ONANA U RE RO FIOBỌHỌ: “Enwenọ ahwo uviuwou mẹ kpobi a kpe evaọ oke nọ a jẹ rọ gwọlọ nọ a re kpe ahwo Tutsi kpobi no na. Rekọ oria Ebaibol nana o fiobọhọ kẹ omẹ ruẹ nọ mẹ te wariẹ ruẹ e rai evaọ obaro. Me bi rẹro oke nọ mẹ te rọ wariẹ yo urru rai evaọ oke ẹkparomatha na!—Marie, Rwanda.

EBAIBOL NA Ọ TA NỌ: “Omoke kakao ọvo u kiọkọ, ahwo omuomu na a gbẹ te jọ họ . . . Rekọ enọ e be romakpotọ na e te rọ otọakpọ na reuku, yọ eva e te were ae gaga fiki udhedhẹ nọ o dafia.”—Olezi 37:10, 11.

EPANỌ ONANA U RE RO FIOBỌHỌ: “Dede nọ ẹmo na o kuhọ no, okienyẹ o gbẹ riẹ yọ ahwo oyoma a gbẹ rrọ akpọ na. Oria Ebaibol nana o fiobọhọ kẹ omẹ gaga no. Jihova ọ be ruẹ eware kpobi gbe epanọ eware e rrọ kẹ omẹ. Ọ ya eyaa nọ kẹle na eware iyoma nana kpobi i ti kuhọ, ma gbẹ te kareghẹhọ ae he.”—Daler, Tajikistan.

Ahwo nọ ma ta kpahe no evaọ emagazini nana a rrọ usu ima ahwo buobu nọ e rrọ Isẹri Jihova, nọ Ebaibol na o fiobọhọ kẹ no. Udu u te te ai otọ. Eware nọ a wuhrẹ evaọ Ebaibol na i ru nọ a gbe bi ro mukpahe amọfa ha, makọ ahwo nọ orẹwho rai hayo ovioma rai u wo ohẹriẹ. (Ahwo Ẹfisọs 4:31, 32) Isẹri Jihova a re dhomahọ ẹme esuo ho, yọ a re ru ozighi gbe he.—Jọn 18:36.

Isẹri Jihova nọ e rrọ akpọ na soso a bi yerikugbe wọhọ uviuwou, je bi fiobọhọ kẹ ohwohwo. (Jọn 13:35) Wọhọ oriruo, Oleksandra nọ ma fodẹ ẹsiẹ na, avọ oniọvo riẹ ọrọ ọmọtẹ a dhẹ no orẹwho rai fiki ẹmo. Ọ ta nọ: “Nọ ma nwane ruọ orẹwho nọ ma dhẹ kpohọ na no, ma tẹ ruẹ Isẹri Jihova nọ e rrọ ahwo obei nọ e nyaze ti dede omai. Obọ nọ a fihọ kẹ omai u ru nọ orẹwho nọ ma dhẹ kpohọ na o rọ sae reria omai oma.”

Ma bi zizie owhẹ inọ whọ ziọ iwuhrẹ mai. Eware nọ ma be jọ Ebaibol na wuhrẹ evaọ obọ iwuhrẹ na i re fiobọhọ kẹ omai rria dhedhẹ kugbe ohwohwo. Kpohọ jw.org re whọ ruẹ oria ewuhrẹ nọ o kẹle owhẹ hayo re who kere nọ jọ Isẹri Jihova a rọ ibroshọ Reawere Uzuazọ Bẹdẹ Bẹdẹ! na wuhrẹ Ebaibol kugbe owhẹ.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa