Gbaudu Ru Oware nọ U Woma nọ A te bi Mukpahe Owhẹ

Se Jerimaya 38:1-13 re whọ ruẹ epanọ Jerimaya ọruẹaro na avọ ọwharọ nọ a re se Ibẹd-mẹlẹk a ro dhesẹ nọ a gudu, who ve wuhrẹ oware jọ noi ze.

Kiẹ kpahe eware efa nọ e via. Ẹvẹ Jerimaya o ro dhesẹ nọ o wo udu evaọ okenọ ọ jẹ vuẹ ahwo na uwou nọ Jihova o vi rie? (Jeri. 27:12-14; 28:15-17; 37:6-10) Kọ eme ahwo na a ru nọ a yo ẹme nọ Jerimaya ọ ta?—Jeri. 37:15, 16.

Gbẹ kiẹ iku na ziezi. Eme ahwo na a gwọlọ nọ Jerimaya o ru kẹ ae? (mwbr17.4) Kiẹ re whọ riẹ oghẹrẹ nọ egọdọ-ame oke anwae e jọ gbe oware nọ a jẹ rehọ ae ru. (it-1-E 471) Ẹvẹ who roro nọ o te jọ Jerimaya oma nọ a jẹ rọ ifi si ei kpobọ otọ ọgọdọ-ame nọ ọloho ọvo ọ jọ na? Kọ eme o sae jọ nọ u je ru ozọ mu Ibẹd-mẹlẹk?—w12 7/1 23 ¶2-3.

Wuhrẹ eware jọ no iku na ze. Nọ omara nọ:

• Eme me wuhrẹ no oghẹrẹ nọ Jihova ọ rẹ rọ thọ idibo riẹ nọ e talamu ei ze? (Ol. 97:10; Jeri. 39:15-18)

• Ẹvẹ mẹ sai ro dhesẹ nọ me wo udu nọ oware jọ o tẹ via?

• Ẹvẹ mẹ sai ro dhesẹ nọ mẹ gudu otẹrọnọ ahwo a bi mukpahe omẹ fikinọ me bi ru oware nọ u woma? (w11 4/1 30)a