Wuhrẹ Oware jọ No Eria Ikere nọ E Rrọ Udevie Ebaibol na Ze

Eria ikere jọ e rrọ udevie Ebaibol Efafa Akpọ Ọkpokpọ ọrọ Ikereakere Efuafo Na. Eria Ebaibol yena e rẹ lẹliẹ owhẹ riẹ eware efa kpahe oria nọ who bi se na. Yọ i re fiobọhọ kẹ owhẹ ruẹ nọ eme nọ e rrọ Ebaibol na kpobi e rọwokugbe. Otẹrọnọ Ebaibol nọ a printi ọ rrọ owhẹ obọ, rri oria Ebaibol nọ who bi se na whọ te ruẹ ibiẹme a, b, d nọ a kere kakao fihọ akotọ eme jọ. Rri udevie ẹwẹ-obe Ebaibol nọ who bi se na whọ te ruẹ ibiẹme a, b, d evona. Eria ikere nọ a kere fihọ aro ubiẹme na yọ eria nọ e ta ẹme nọ o wobọ kugbe ẹme nọ who bi se na. Otẹrọnọ jw.org hayo JW Library® app who bi jo se Ebaibol na, rọ obọ te ubiẹme okakao na. U ti dhesẹ eria Ebaibol efa kẹ owhẹ.

Eria ikere nọ e rrọ udevie Ebaibol na e sai fiobọhọ kẹ owhẹ riẹ eware nọ ma be te ta ẹme te na gbe efa:

Oria Ebaibol ọfa nọ iku nọ who bi se e rrọ. Whọ rẹ jọ 2 Samuẹle 24:1 avọ 1 Iruẹru-Ivie 21:1 ruẹ oware nọ ma be ta na.

Ẹme nọ a rehọ no oria Ebaibol ọfa ze: Oria na u re dhesẹ oria nọ a kake jọ ta ẹme na. Rri Matiu 4:4 avọ Iziewariẹ 8:3.

Eruẹaruẹ nọ i rugba: O sae jọ oria Ebaibol nọ a jọ ruẹaro jọ fihotọ, a tẹ jọ udevie ẹwẹ-obe na riobọhọ oria Ebaibol ọfa nọ o dhesẹ epanọ eruẹaruẹ na i ro rugba. Oriruo otiọye jọ ọ rrọ Matiu 21:5 avọ Zẹkaraya 9:9.