EBAIBOL O RE NWENE UZUAZỌ OHWO

A Ruẹ “Uzuu Jọ nọ U Wo Aghae Gaga”

Jesu o wuhrẹ nọ Uvie Ọghẹnẹ họ egọmeti nọ o ti ku ebẹbẹ ahwo-akpọ kpobi họ. (Matiu 6:10) Evaọ obe Matiu 13:44-46, ọ kẹ etadhesẹ ivẹ jọ ro dhesẹ epanọ Uvie Ọghẹnẹ nọ ohwo o re wuhrẹ kpahe u wuzou te:

Iwoho na: Ezae ivẹ nọ Jesu ọ ta kpahe evaọ etadhesẹ riẹ na. 1. Ọzae jọ nọ o bi ru iruo evaọ udhu riẹ ọ ruẹ oware jọ nọ u gbe rie unu. 2. Ọzae ọfa jọ nọ uzuu o rrọ obọ o bi kpo ehwẹ ku agba.

Ọzae jọ o je ru iruo evaọ udhu riẹ, ẹsiẹvo na ọ tẹ ruẹ okwakwa aghae jọ nọ a si no.
Ọgba-ọhreki jọ nọ ọ jẹ gwọlọ emamọ izuu, ọ ruẹ uzuu jọ nọ o wo aghae gaga.

Fiki epanọ eva e were ezae ivẹ nana te, a tẹ zẹ ekwakwa uwou rai kpobi no re a sae dẹ eware aghae nọ a ruẹ na. Ezae nana a dikihẹ kẹ ahwo kpobi nọ a gwọlọ ruọ Uvie Ọghẹnẹ nọ a siobọno eware efa evaọ uzuazọ, re a sai ru oreva Ọghẹnẹ. (Luk 18:29, 30) Evaọ ividio nana, whọ te ruẹ iku imava jọ nọ e wọhọ ahwo nọ Jesu ọ ta kpahe evaọ etadhesẹ riẹ na.