Ẹbẹbẹ Ugho—Oware nọ Uvie Ọghẹnẹ U ti Ru

Evaọ akpọ na soso, o rrọ bẹbẹ kẹ ahwo buobu re a ruẹ ugho nọ a sae rọ rẹrote omarai, yọ eware i bi dhe ẹgẹga ọvo.

• Evaọ ekiakiẹ jọ nọ a ru kẹle na,a a ta nọ “osa nọ a be hwa ahwo evaọ iruo kamara kamara u gbe bi te oware ovo ho.” A tẹ vẹvẹ unu nọ a gbe ru oware ovo kpahe ẹbẹbẹ nana ha, “ahwo jọ a bi fe vrẹ yọ ahwo jọ a bi yogbe ọvo,” yọ eware e te jọ gaga kẹ “ahwo nọ a maki wo iruo nọ a bi ru gbe ahwo uviuwou rai.”

Kọ egọmeti ọ te sai si ẹbẹbẹ ugho notọ, hayo tube ru eware lọhọ kẹ ahwo?

Ebaibol na ọ ta kpahe egọmeti jọ nọ o ti si ẹbẹbẹ ugho notọ riẹriẹriẹ, je ru nọ ahwo kpobi a te rọ jọ epọvo na. Ebaibol na ọ ta nọ “Ọghẹnẹ obọ odhiwu ọ te rehọ uvie jọ mu.” Uvie yena yọ egọmeti nọ o ti su otọakpọ na soso. (Daniẹl 2:44) Evaọ okenọ egọmeti na o ti su otọakpọ na, Ọghẹnẹ ọ te kpairoro vrẹ ohwo ọvo ho. (Olezi 9:18) Ahwo kpobi nọ a te jọ otọ esuo Uvie Ọghẹnẹ a ti wo eware kpobi nọ a gwọlọ, yọ eva e te were ohwo kpobi. Ahwo kpobi a ti wo erere no iruo abọ rai ze vọvọ.—Aizaya 65:21, 22.