Fiobọhọ kẹ Amọfa re Whọ gbẹ Jọ Goli Hi—Ẹme nọ Ebaibol na Ọ Ta

Oma ọ rrọ ahwo buobu goli evaọ akpọ na, yọ o wọhọ ẹsenọ o rrọ bẹbẹ kẹ ae re a mu usu kugbe amọfa. Edọktọ jọ a rri rie nọ ohwo ọ tẹ be hai fiobọhọ kẹ amọfa, u re ru nọ oma o gbẹ rọ jariẹ goli hi.

• “Ohwo o te bi fiobọhọ kẹ amọfa o rẹ lẹliẹe wo evawere. Yọ o re je ru nọ oma o gbẹ rọ jariẹ goli hi hayo nọ o gbe ro siomano amọfa ha.”—U.S. National Institutes of Health.

Ebaibol na ọ ta kpahe idhere sa-sa nọ ma sai ro fiobọhọ kẹ amọfa. Ma te lele ehrẹ nọ Ebaibol na ọ kẹ u ti ru nọ oma o gbẹ rọ jọ omai goli hi.

Oware nọ whọ rẹ sai ru

Hai ru amọfa ọghọ. Hae daoma jọ kugbe amọfa. Hae kẹ amọfa okẹ. Who te ru ere, eva e te were ae gaga yọ a te gwọlọ nọ whai kpobi wha gbẹ jọ egbẹnyusu.

• Ohrẹ Ebaibol: “Wha hae kẹ okẹ, ahwo a te kẹ owhai.”—Luk 6:38.

Fiobọhọ kẹ amọfa. Hae daoma fiobọhọ kẹ ahwo nọ eware e rrọ gaga kẹ. Wọhọ oriruo, hae romatotọ gaviezọ kẹ ae hayo whọ sai fiobọhọ kẹ ae ru eware jọ nọ e rẹ lẹliẹ oma voro ae.

• Ohrẹ Ebaibol: “Emamọ ogbẹnyusu o re dhesẹ uyoyou ẹsikpobi.”—Itẹ 17:17.

Re whọ gbẹ riẹ kpahe eware nọ who re ru re whọ sai mu usu kugbe amọfa, se uzoẹme na “Family Life and Friendships.”