Ono Whọ rẹ Sai Fievahọ?—Eme Ebaibol na Ọ Ta?

O rẹ kẹ ahwo uye gaga nọ a tẹ ruẹ nọ ahwo nọ a fievahọ a bi ru eware nọ i fo ho. Onana u ru nọ ahwo buobu a gbe ro fievahọ utu ahwo nana ha:

• Isu nọ i bi si kẹ ẹkpa rai ọvo ukpenọ a re ru eware nọ ahwo a ginẹ gwọlọ.

• Ahwo nọ a rẹ niyẹrẹ nọ a bi fi orọ obọrai họ iyẹrẹ na hayo niyẹrẹ rri abọjọ ọvo.

• Egba-eriariẹ nọ i bi ru eware nọ e rẹ wha erere se ahwo ho.

• Isu egagọ nọ i bi dhomahọ isuẹsu ukpenọ a re ru iruo Ọghẹnẹ.

Ahwo nọ a ta nọ a re mu fievahọ amọfa ha, a ta thọ họ. Ebaibol ọ vẹvẹ omai unu nọ:

• “Who fievahọ ikpahwo-esuo ho hayo ọmọ ohwo-akpọ họ, ọnọ ọ rẹ sae wha esiwo ze he.”—Olezi 146:3.

U wo ohwo jọ nọ whọ rẹ sai fievahọ

Ebaibol ọ fodẹ ohwo jọ nọ whọ rẹ sai fievahọ, ọye họ Jesu Kristi. Jesu ọ jọ emamọ ohwo gaga nọ ọ rria otọakpọ na ikpe buobu nọ e vrẹ, rekọ o jọ etẹe kuhọ họ. Ọghẹnẹ ọ rọ Jesu mu “Ovie . . . , yọ Uvie riẹ u ti wo oba ha.” (Luk 1:32, 33) Jesu họ Ovie Uvie Ọghẹnẹ hayo egọmeti Ọghẹnẹ. Ma be ta ẹme na, egọmeti nana o muhọ esu no evaọ obọ odhiwu.—Matiu 6:10.

• Re whọ riẹ oware nọ Jesu o ro te ohwo nọ whọ rẹ sai fievahọ, se izoẹme nana “Ono Họ Ovie Uvie Ọghẹnẹ?” gbe “Eme Uvie Ọghẹnẹ U ti Ru?”