Kọ Ọghẹnẹ Ọ Ma Ẹdhọ?

Uyo nọ Ebaibol na ọ kẹ

Ebaibol na o dhesẹ nọ Ọghẹnẹ ọ ma Ẹdhọ họ. Ukọ-odhiwu Ọghẹnẹ ọ ma, ọye ọvo o te ru omariẹ fihọ Ẹdhọ. Ebaibol na ọ ta kpahe Ọghẹnẹ nọ: “Iruo riẹ i kiete, keme idhere riẹ kpobi i re wowoma. Ọghẹnẹ ọtẹruo nọ ọ kare eyoma, nọ o re wowoma je kiete.” (Iziewariẹ 32:3-5) Ẹme nana o dhesẹ nọ Setan Ẹdhọ na ọ jọ gbagba vẹre evaọ oke nọ Ọghẹnẹ ọ mae.

Evaọ obe Jọn 8:44, Jesu ọ ta nọ Ẹdhọ ọ daji “evaọ uzẹme he,” onọ u dhesẹ nọ ọ jẹ ta uzẹme vẹre.

Jihova ọ kẹ Setan uvẹ nọ ọ rẹ rọ salọ oware uwoma hayo uyoma wọhọ epanọ ọ kẹ emama riẹ nọ i kiọkọ. Nọ ọ wọso Ọghẹnẹ je ru ọzae avọ aye ọsosuọ na ghẹmeeyo kẹ Ọghẹnẹ, o te ru omariẹ fihọ Setan, onọ otofa riẹ o rrọ “Ohwo Ọwọsuọ.”—Emuhọ 3:1-5; Eviavia 12:9.