Kọ Isẹri Jihova A rẹ Jẹ Usiwo-Imu Rehọ?

Ee, Isẹri Jihova a rẹ rehọ imu, yọ a rẹ jẹ usiwo-imu rehọ. Ma rẹ daoma rẹrote omamai ziezi re ma sai wo omaokpokpọ, yọ ẹsejọ dede ma rẹ “gwọlọ edọkita.” (Luk 5:31) Wọhọ epanọ Luk ọ jọ edọkita evaọ ikpe-udhusoi ọsosuọ na, ere ọvona Isẹri Jihova jọ a rrọ edọkita nẹnẹ re.—Ahwo Kọlọsi 4:14.

Oghẹrẹ usiwo-imu jọ e rọwokugbe Ebaibol na ha, fikiere ma rẹ jẹ ae rehọ họ. Wọhọ oriruo, ma re se azẹ fihọ oma ha keme Ebaibol na ọ ghọ riẹ. (Iruẹru Ikọ 15:20) Ere ọvona Ebaibol na o mukpahe oghẹrẹ usiwo kpobi nọ u wobọ kugbe iruẹru-imizi.—Ahwo Galesha 5:19-21.

Rekọ orọnikọ oghẹrẹ usiwo-imu kpobi Ebaibol na ọ ghọ họ. Fikiere ohwo kpobi ọ rẹ salọ oghẹrẹ usiwo nọ u je rie. Oghẹrẹ usiwo-imu jọ nọ o rẹ were Osẹri Jihova jọ o sae were ọfa ha.—Ahwo Galesha 6:5.