Who Mu Rehọ Ebe Mai Kẹ Ahwo Ho

Jesu ọ ta nọ: “Ọvọvẹ a kẹ owhai, wha kẹ ọvọvẹ.” (Mt 10:8) Ma bi ru lele ẹme Jesu nana nọ ma gbe bi ro se uzedhe unuigho jọ kẹ ahwo nọ a rẹ hwa fihọ Ebaibol hayo ebe nọ ma be kẹ ae he. (2Kọ 2:17) Ghele na, eme eghaghae Ọghẹnẹ eye e rrọ eva ebe na. Re a te ti printi ebe jẹ wọ ai te ikoko sa-sa evaọ akpọ na, ọziọ uye gbe ugho o be ruẹe he. Fikiere, ma rehọ utho ebe nọ ma gwọlọ ọvo.

Nọ whọ tẹ rọ usiuwoma who mu kẹ ahwo ebe he makọ ọrọ usiuwoma ota evaọ oria nọ ahwo a bi jo zurie. (Mt 7:6) Taure whọ tẹ te kẹ ohwo nọ ọ be nyavrẹ obe, lele ei ta ẹme tao re whọ riẹ sọ o wo isiuru. Kọ whọ sai gine yo nọ Ee fihọ onọ jọ evaọ usu enọ nọ e rrọ ẹkpẹti na? Otẹrọnọ whọ gbẹ sae riẹ sọ o wo isiuru hayo o wo ho, o mai woma re whọ kẹe omobe-ovẹvẹ. Rekọ ohwo na ọ tẹ ta nọ whọ kẹe emagazini hayo obe ofa, whọ rẹ kẹe.​—Itẹ 3:27, 28.